يو طالب په جرمني کي په څلور کاله بند محکم سو | آلمان او نړۍ | DW | 10.10.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

يو طالب په جرمني کي په څلور کاله بند محکم سو

د برلين ستري محکمې يو افغان د وسله والو طالبانو د غړيتوب په خاطر په ۴ کاله بند محکم کړ. د دغه افغان محاکمه په اپريل مياشت کي پيل سوې وه.

د برلين د ستري محکمې يوې وياندي ويلي دي چي د دوشنبې په ورځ دغه په ۱۹۸۸م کال کي زېږدلی افغان په څلور کاله بند محکم کړ.

د هغې په خبره واجد س. په درو قضيو کي له يوه بهرني تروريستي سازمان سره په غړيتوب محکم سوی دئ.

د محکمې قاضيانو هغه په دوو قضيو کي چي يوه ئې د جنگي وسلو لرلو له قانون څخه سرغړونه او بله د قتل هڅه ده مجرم پيژندلی دی. د دغه افغان محاکمه د روان کال په اپريل مياشت کي پيل سوې وه. هغه به همداسي بندي پاته سي.

د جرمني څارنوالۍ پر دغه افغان مهاجر تور لگولو وو چي په ۲۰۰۹م کال کي په خپل هيواد کي د وسله والو طالبانو غړی سوی وو او هغه ته ئې د پنځه کاله بند سزا غوښتې وه.

واجد س. دغه راز په دوو قضيو کي د قتل د تلاښ په تور هم مجرم پېژندل سوی دئ. د محکمې د معلوماتو له مخي هغه په ۲۰۱۴م او ۲۰۱۵م کلونو کي له خپلو ملگرو سره پر افغان ملي پوليسو بريدونه کړي.

زموږ له ارشيف څخه:

DW.COM

اعلان