نن په تاریخ کې | ځانگړي مطالب | DW | 29.05.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاریخ کې

نن سه شنبه، د مې د میاشتې ۲۹مه نیټه او د ۲۰۱۲م کال ۱۵۰ ورځ ده. د کال پای ته ۲۱۶ ورځې پاتې دي.

Kalenderblatt

Themenbild Kalenderblatt

په تاریخ کې د نن ورځ مهمې پیښې:

د ۱۴۵۳م کال پر همدې ورځ ترکانو د خیتځ روم د امپراطورې پلازمینه ونیوله.

د ۱۹۰۳م کال پر نن ورځ د صربستان پاچا الکسندر او د هغه میرمن د افسرانو او گارد له خوا ترور شول.

د ۱۹۷۳م کال پر همدغه ورځ تام برادلي د لاس اینجلس لومړنی تورپوستی ښاروال وټاکل شو.

د ۱۹۸۵م کال پر نن ورځ په بروکسل کې د اروپا د فوټبال د اتلولیو په یوه لوبه کې د تاوتریخوالي د رامنځته کیدو له امله ۳۷۵ تنه ووژل شول او نور زیات ټپیان شول.

د ۱۹۸۸م کال د مې د میاشتې پر ۲۹ نیټه د متحده ایالاتو ولسمشر رونالد ریگن په خپل لومړي سفر ماسکو ته ورسید.

د ۱۹۹۰م کال پر همدې ورځ بورس یلسن د روسیې د ولسمشر په توگه وټاکل شو.

د ۱۹۹۱م کال پر نن ورځ د یوگوسلاویا جمهوریت کروشیا د خپلواکۍ اعلان وکړ. او په رسمي توگه یوه میاشت وروسته بیا له یوگوسلاویا څخه جلا شوه.

د ۲۰۰۲م کال پر همدې ورځ د پاکستان استخباراتي چارواکو وویل چې د طالبانو د رژیم تر ړنگیدو وروسته د القاعدې په سلونو تنه غړي د پاکستاني ښارونو په لور خوځیدلي دي.

آژانسونه/ سید ریاض
کتونکی: مسعود جهش