نن په تاریخ کې | ځانگړي مطالب | DW | 28.04.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاریخ کې

نن د شنبې ورځ د اپریل د میاشتې ۲۸مه نیټه او د ۲۰۱۲م کال ۱۱۹مه ورځ ده. د کال پاې ته ۲۴۷ ورځې پاتې دي.

په تاریخ کې د نن ورځ مهمې پیښې:

د ۱۸۷۶م کال پر همدې ورځ د برطانیې ملکه ویکتوریا، د هند د ملکې په توگه اعلان شوه.

د ۱۹۱۰م کال پر نن ورځ په البانیه کې راپورته شوی بغاوت د ترکېې د پوځ له خوا وځپل شو.

د ۱۹۴۵م کال پر همدغه ورځ د ایټالیې بنیتو موسیلینی د خپلې معشوقې کلارا پتاچي سره یو ځای اعدام شو.

د ۱۹۵۲م کال د اپریل د میاشتې پر ۲۸مه نیټه له جاپان سره په رسمي توگه جگړه هغه وخت پاې ته ورسیده کله چې متحده ایالاتو او نورو ۴۷ هیوادونو د سولې تړون لاسلیک کړ.

د ۱۹۶۹م کال پر همدې ورځ د فرانسې ولسمشر شارل دوگل له خپلې دندې استعفا وکړه.

د ۱۹۹۵م کال پر نن ورځ په جنوبي کوریا کې د گاز په یوه پایپ لاین کې د چاودنې له امله ۱۰۳ تنه ووژل شول.

د ۲۰۱۲م کال پر همدغه ورځ دوه تنو ځانمرگی برید گرو د کندهار د والي پر ودانۍ ځانمرگی برید تر سره کړ، چې په پایله کې ئې دواړه برید کوونکي او دوه ساتونکي ووژل شول خو والي ته کوم زیان ونه رسید.

آژانسونه/ سید ریاض
کتونکی: مسعود جهش