میرکل په مديترانه کي د مهاجرو د ژغورنی ملاتړ وکړ | آلمان او نړۍ | DW | 14.08.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

آلمان او نړۍ

میرکل په مديترانه کي د مهاجرو د ژغورنی ملاتړ وکړ

د جرمني صدراعظمي انگيلاميرکل، په مديترانه سمندرگي کي د شخصي سازمانونو له خوا د انسانانو د بيړنۍ ژغورني څخه دفاع وکړه. د مهاجرو له پاره ملگرو ملتو عالی کمیسارۍ له اروپایی هیوادو څخه غوښتنه کړې چی ژغورل سوي مهاجر ومني.

د آلمان  د تحريري شبکې په حواله، میرکل د سه شنبه په ورځ په شترالسوند کي د  «Ostsee-Zeitung» په نامه ورځپاڼي د لوستلو په يوه فورم کي ويلي چي « په سمندر کي د انسانانو بيړني ژغورل د بشريت يو دستور دی.»

په عين حال کي هغې ټينگار کړی دی چي «يوازي بې وزله او ضعيفه کسان پر دغه لار موږ ته  نه راځي. موږ پر افريقايي هيوادونو سره خبري کوو چي په کومه برخه کي مرسته وکړو. د قاچاقبرانو او انسان تښتوونکو ملاتړ نه کوو.»

د لمان صدراعظمې ويلي دي: »که په افريقا کي حالت باثباته نه سي، نو وضعه به همداسي ادامه پيدا کړي. دا ځکه چي موږ يو له بل سره تړلي يوو او دا حالت به همداسي پاته وي.

«په اوس وخت کي د شخصي مرستندويه سازمانونو، د ژغورني ډيري بيړۍ د مديترانې په سمندرگي کي په ماموريت بوختي دي، تر څو د انسانانو د ډوبيدو پر وخت، هغوی ته ځانونه ورورسوي. په هغو کي د بې سرحده ډاکټرانو سازمان، همدارنگه د SOS  سازمان، په مديترانه کي د «Ocean Viking» او د «Open Arms» په نامه هسپانوي سازمان هم شامل دي. هغوي په گډه سره څه د پاسه ۵۰۰ انسانان خپلو کښتيو ته پورته کړي.

د UNHCR په نامه د مهاجرو د ملاتړ ادارې د سه شنبه په ورځ له اروپايي هيوادو څخه غوښتي چي دغه ژغورل سوي انسانان ومني. په ژنيو کي د مرکزي مديترانې له پاره د UNHCR د ادارې ځانگړي استازي، وينڅينت کوچيتل ويلي دي چي ډيرو دغو مهاجرو د ليبيا په لاگرونو کي شکنجې او  زورزياتي ليدلي او اوس بشري مرستو او نړيوال ملاتړ ته اړتيا لري.

G.P/N.Z/epd

اعلان