موږ له Cookies څخه کار اخلو، تر څو خپل خدمات درته بهتره کړو. په دې اړه نور معلومات زموږ د معلوماتو د خونديتوب په برخه کي موندلای سئ.
د افغانستان د ټاکنو خپلواک کمیسیون وایي چې یوازې درې ورځې پاتې دي چې ولسمشرۍ ته کانديدان خپل نومونه ثبت کړي. اتو کسانو تر اوسه ولسمشرۍ ته ځانونه کاندید کړي دي. داسې بریښي چې د انتخاباتي ټیمونو نه بشپړیدل د نوم لیکني پروسې د ځنډ دلیل وي.
د تورخم له لاري پاکستان ته د تگ راتگ او ويزو د ستونزو د حل له پاره په پاکستان کي د افغانستان سفير له پاکستاني چارواکو سره نتيجې ته رسېدلی دی. دغه راز په پاکستان کي د بندي افغانانو په اړه هم معلومات سره شريک سوي. په پيښور کي د افغان کډالو د چارو مسئول عبدالحميد جليلي سره مرکه.
د بریتانیا پارلمان د صدراعظمې تیریزا مې هغه يو تړون رد کړ چې په منظمه توگه د اروپا له اتحادیې څخه د روان میلادي کال د مارچ په ۲۹ مه د بریتانیا د وتلو لپاره لاره پرانیستله. اوس که چیرې تر دغې نیټې د حل یوه لاره پیدا نه شي، ښايي د اتحادیې غړي هیوادونه او په خاصه توگه خپله بریتانیا په خپل تاریخ کې له یوې ډیرې سختې گډوډۍ سره مخامخ شي. عبدالباري حکیم له آریانا نیوز سره پرې خبرې کوي.
د مځکي کرې په تودېدو سره په سمندرونو کي د اوبو کچه لوړه سوې ده. وړاندوينه کيږي چي تر ۲۱۰۰م کاله پوري به په دريابونو کي د اوبو کچه ۶۵ سانتيمتره لوړه سي. په داسي يوه وضعيت که به نو کومي مځکي تر اوبو لاندي سي؟
د نړۍ تر ټولو لویه مذهبي مېله د هند په اتر پردیش ایالت کې د جنورۍ پر ۱۵مه نیټه پیل شوه. دغه مېله چې د کومب مېلې په نامه یادیږي، په هکله یي جزئیات په دې ویډیو کې تر لاسه کولی شئ.
د افغانستان د ټاکنو کمېسیون تر درې میاشتني ځنډ وروسته د کابل ولایت د لومړنیو پایلو په اعلان سره د پارلماني ټاکنو لومړنۍ پایلې بشپړې کړې. د کمېسیون اعلان شوي پایلې ځکه له پراخ غبرګون سره مخامخ دي چې د ځينو پر باور ډيری بریالي اعلان شوي نوماندان ستر سوداګر او پانګوال دي.
په داسې حال کې چې د افغانستان د شخړې له پاره د یوه سیاسي حل لارې موندلو په موخه د امریکا او افغان حکومت هلې ځلې پراخې شوې، کارپوهان خبرداری ورکوي چې د سولې بهیر باید لا ډیرو سیمه ییزو سیالیو ته لمن و نه وهي. هند او پاکستان؛ ایران او سعودي عربستان د نورو تر څنګ هغه هیوادونه دي چې د کارپوهانو په حواله په افغانستان کې بیلابیلې موخې تعقیبوي.
د روسیې په پوځي ښوونځيو کې ماشومانو ته د رياضي او تاريخ د زده کړې ترڅنگ د جنگي وسايلو د استعمال روزنه هم ورکول کيږي.د دې ښوونځيو موخه د دولت په نظارت او سرپرستۍ کې په پوځي مهارتونو د وطن دوست قشر روزنه ده.
د افغانستان د ولسمشر دویم مرستیال وایې چې ټاکنیزو کمېسیونو د حکومت او خلکو حیثیت تر پوښتنې لاندې راوستلی دی. د لومړنیو پایلو ځنډول، درغلۍ او د پراخو فسادونو تورونو افغان ټاکنیز کمېسیونونه له سختو نېوکو سره مخامخ کړي دي.
نجیب امیري د څلورو کلونو راهیسې په کابل کې د سلګونو ځوانانو او نجونو له پاره د نقاشۍ او انځورګرۍ د هنر، ترڅنګ د انګلیسې ژبې او سائنسي مضامينو د زده کړې زمينه برابره کړې ده. د «ماشومانو له پاره تود غېږ» بنسټ تر اوسه پورې ۵۰۰ تنه فارغان لرلي دي. له دغه با احساسه ځوان سره مرکه دلته اوریدلی شئ.
د افغانستان د کورنیو چارو وزارت پر جرمونو تورنو کسانو ته خبرداری ورکړی چې که ځواب ویلو ته حاضر نه شي بانکي حسابونه به یې وتړل شي او ممنوع الخروج به شي. دغه وزارت دوه ورځې وړاندې د شپاړسو کسانو یو داسې لیست خپور کړی چې پر زورواکی، قتل، انسان تښتونې، د ځمکو پرغصب او نورو جرمونو تورن دي. خلک او د چارو کتونکي د دغه اقدام په اړه څه وایې؟ نور معلومات په غږیز مطلب کې اوریدلی شئ.
یو افغان ځوان په سلګونو نورو ځوانانو او پيغلو ته د نقاشۍ، انځورګرۍ، انګلیسي ژبې او سائنسي مضامينو د زده کړې زمينه مساعده کړې ده.
د سولې په چارو کې د افغان ولسمشر ځانګړي استازي او د سولې عالي شورا د دارلانشأ مشر محمد عمر داودزي، له دویچه ویله سره په یوې ځانګړې مرکه کې وویل چې وروستیو پرمختګونو ته په کتو سره به «ډیر ژر او د میاشتو په موده کې» د کابل او طالبانو تر منځ مستقیمې خبرې اترې پیل شي. داودزي دغه څرګندونې د سولې له پاره د پاکستان د ملاتړ ترلاسه کولو په موخه، دې هیواد ته د سفر پر مهال وکړې.
یو ځل بیا یو شمیر افغان مهاجر بیرته خپل هیواد ته اخراج شول. د آلمان د کورنیو چارو وزیر د «مجرم مهاجرو د سمدلاسه» اخراج غوښتنه کوي. خو له قانوني لحاظه ایا د یوه «مجرم مهاجر سمدلاسه اخراج» ممکن دی؟
د صحي خوراک په اړه د آلمان د حکومت له خوا په خپاره سوي نوي رپوټ کي راغلي دي چي آلمانان ډیر غوړ او خواږه شیان خوري. په دې برخه کي د خوراکي موادو د تولید شرکتونه هم مسئول بلل کیږي. خو پر بورې، غوړو او مالګي باندي به په اول سر کي کومه مالیه وضعه نه سي.
