موشه کتساف تقريباً په ټولو قضيو کي مجرم وبلل سو | آلمان او نړۍ | DW | 31.12.2010
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

آلمان او نړۍ

موشه کتساف تقريباً په ټولو قضيو کي مجرم وبلل سو

د اولي پلا دپاره بايد د اسراييلو يوه پخواني جمهوررييس د محکمې په مخکي جوابونه ويلي وای . د هيجانه ډکه يوه محاکمه کي جمهوررييس موشه کتساف پرون پر دوو ښځو باندي د جنسي تيري له کبله مجرم وبلل سو

موشه کتساف د محکمې په مخکي

موشه کتساف د محکمې په مخکي

پر دې باندي موشه کتساف حساب نه ؤ کړی . د اسراييلو پخواني جمهوررييس تقريباً په ټولو قضيو کښي مسؤل وپيژندل سو . يوازي د شاهدانو د آزارولو او فشار راوستلو تورونه په اثبات ونه رسيدل .

محکمې دی پر دوو ښځو باندي د جنسي تيري او خپل تر لاس لاندي ماموريني جنسي تيري ته مجبورولو او آزارولو له کبله مجرم وباله .

قاضيانو وويل ، چه ده په 90 کلو کښي کله چي د ټوريسم وزير ؤ ، پر يوې ماموري باندي جنسي تيری کړی دی . همدارنګه يې د جمهوري رياست پر وخت خپلي دوې ماموريني جنسي عمل ته مجبوري کړې او آزار يې ورکړی دی .

Israels Ex-Präsident Katsav Katzav wegen Vergewaltigung verurteilt

څارنوالي رونيټ آمېل هغه قربانيانو ته مراجعه وکړه ، چه په محکمه کښي د شاهدانو په حيث راحاضر سوي وې ، او په اسراييلو کښي يې د نومونو يوازي لمړي توري معلوم دي .

دې وويل ،

« عامه ذهنيت يوازي ستاسي د نومو لمړي توري پيژني ، ليکن موږ چه د ګرده محاکمې په جريان کښي تاسي وپيژندلاست ، اوومو ليدل چي تاسي څونه باجرأته او قاطع واست ، نو موږ تاسي ته نن ورځ احترام کوو ، او موږ مطمينه يوچي هغه پيغام چه نن دمحکمې د لاري واستول سو ، هغه ټولو نورو قربانيانو ته هم ورسيږي : پيغام دادی ، چي چپ مه پاته کيږی . »

کله چي د کتساف د مجرم بلل کيدو لمړی خبر راورسيدی ، نو د محکمې دباندي په خلګو کښي خوشالۍ ګډي سوې . هلته ډيرو ښځو شعارونه پورته کړي وه ، او د محکمې څخه يې د جنسي تيري او آزار ورکولو د قربانيانو په حق کښي عدالت غوښتی .

برعکس د پخواني جمهورييس کتساف د ملاتړ کوونکو په منځ کي ډېره مايوسي موجوده وه . دده زوی آرييل چه دی يې يو ځای د مدافع وکيلي سره محاکمې ته بدرګه کړی ؤ،د محکمې د حکم تر اعلانېدو وروسته وويل :

«دا يوه ډېره سخته لحظه ده ،سخت ساعت دده د کورنۍ دپاره . خو موږ به بيا هم په خپل پلار باندي افتخار وکړو ، د اسراييلو پر اتم جمهوررييس باندي . موږ به بيا هم ټول ملت ته مراجعه وکو او موږ به د خدای په کومک دا ثابته کو چي بابا او د اسراييلو اتم جمهوررييس بېګناه دی .»

موشه کتساف

موشه کتساف

د کتساف مدافع وکيلانو هم د تل ابيب د درو قاضيانو پر دغه حکم باندي انتقاد وکړی او د استناف غوښتنه يې وکړه . د اسراييلي راديو حقوق پوه موشي نيګبي د دغه حکم ستاينه وکړه او وې ويل چه دا د اسراييلي قانوني دولت اثبات دی .

په عين ډول سره صدراعظم بينيامين نيتنياهو او د اپوزيسيون مشري تيپي ليوني د محکمې د حکم ستاينه وکړه .

د محکمې تر حکم وروسته به نو65 کلن پخوانی جمهوررييس خپل پاسپورت سپاري او اجازه نه لري چي خارج ته سفر وکړي .

د بند موده يې لانه ده معلومه خو هغه به د څلورو او ۱۶ کلو تر منځ وي .

بيټينا مارکس / محمد قاسم نوري

کتونکی : عبدالباري حکيم