په ژنيو کې د ملګرو ملتونو د بشري حقونو کميسارۍ د سه شنبې په ورځ په دې اړه ژوره اندېښنه څرګنده کړې ده. د ملګرو ملتونو په حواله د لادرکه شويو کسانو څخه یې پنځه ښځې او يو نارينه دی.
زياته شوې چې که څه هم طالب چارواکو په دې اړه د پلټنو ژمنه کړې ده، خو دغه کسان اوس هم لادرکه دي.
له هغه وخت راهيسي چې طالبان بيا واک ته رسېدلي دي، په ډېرو برخو کې د ښځو پر کار او فعاليت بندیزونه ولګول شول.
د ملګرو ملتونو په حواله د جنورۍ پر ۱۹ نېټه يوه ښځه او د کورنۍ يو غړی یې چې په يوه مظاهره کې يې ګډون کړی وو، په کابل کې وتښتول شول. په هماغه ورځ په همدې ښار کې له يوه کوره څلور خوېندې هم بيول شوي دي.
ولي طالبان د خلکو غږ چپ کولو له پاره له زوره کار اخلي؟
د ملګرو ملتونو په حواله داسې رپوټونه هم شته چې د مظاهرو په نورو ګډونوالو پسې هم لټه روانه ده چې دې کار د ويرې فضا رامنځته کړې ده.
د ملګرو ملتونو دفتر پر دې سربیره د فعالانو، رسنيو له کارکوونکو او همدا راز د پخواني حکومت له مامورينو او امنيتي ځواک له پخوانيو غړيو سره د ناوړه چلند او شکنجې رپوټونه هم ترلاسه کړي دي.
د ملګرو ملتونو د بشري حقونو دفتر د نيول شويو کسانو د آزادولو او هغو عاملينو د تعقیب غوښتنه کړې ده چې انسانان د خپلې پخوانۍ دندې او فعاليت او نظر له کبله شکنجه کوي او ناوړه چلند ورسره کوي.
ب. ص/ ن. ز (DPA)
زموږ له آرشيف څخه:
-
په افغانستان کې د طالبانو تر واکمنۍ لاندې ژوند
د نارینه وو نړۍ
له افغانستان څخه خپریدونکي انځورونه او ویډیوګانې په ښارونو کې د خلکو ګڼه ګوڼه ښيې، لکه د هرات په دغه رستورانت کې، چې مشتریانو ته هرکلی ویل کیږي. خو د پخوا په پرتله د پام وړ یو بدلون تر سترګو کیږي: د میزونو شا او خوا یوازې نارینه لیدل کیږي چې زیاتره یې دودیز کالي اغوستي وي او د ځینو یې پګړۍ پر سر وي. په ښارونو کې د ښځو شمیر ډیر کم شوی.
-
په افغانستان کې د طالبانو تر واکمنۍ لاندې ژوند
د نجونو او هلکانو د صنفونو جلا کیدل
د کابل په یوه خصوصي پوهنتون کې یوې پردې دغه محصلین سره جلا کړي دي. د جنسیت له مخې جلا والی دلته یوه رسمي پالیسي ده او ښایي لا پسې پراخه شي. د افغانستان د لوړو زده کړو وزیر عبدالباقي څو ورځې مخکې په کابل کې وویل: «په ګډو صنفونو کې زده کړه له یوې خوا له اسلامي ارزښتونو سره په ټکر کې ده او له بلې خوا د افغانانو د ملي، فرهنګي او عنعنوي ارزښتونو سره په تضاد کې ده.»
-
په افغانستان کې د طالبانو تر واکمنۍ لاندې ژوند
له لاسه تللي آزادي
د ائتلافي ځواکونو تر شل کلن حضور وروسته هغه حقوق چې ښځو ترلاسه کړي وو ژر له منځه ولاړل. د طالبانو د فرهنګي کمېسیون د مرستیال په خبره د ښځینه ورزشکارانو له پاره به سپورت منع شي.
-
په افغانستان کې د طالبانو تر واکمنۍ لاندې ژوند
هر ځای تالاشۍ
طالبانو هر لوري ته د تالاښۍ پوستې جوړې کړي دي. خلک په وسلو سمبال طالبانو څخه اندیښنه لري او له دې کبله غواړي د امکان تر حده د چا د پاو وړ و نه ګرځي. غربي لباس ډیر کم تر سترګو کیږي او په درنو وسلو سمبال کسان زیات ليدل کيږي.
-
په افغانستان کې د طالبانو تر واکمنۍ لاندې ژوند
د کار په انتظار
په کابل کې هغه کارګر چې په ورځني مزد کار کوي، د یوه سړک پر غاړه په دې تمه دي چې یو څوک یې کار ته بوځي. افغانستان چې د طالبانو تر ولکې دمخه يې هم اقتصادي وضعيت کمزوری وو، اوس د اقتصادي سقوط او لا زیاتې بې روزګارۍ سره مخامخ دی. د ملګرو ملتونو د اټکل له مخې په راتلونکو میاشتو کې زیات انسانان بې وزلي ګواښي.
-
په افغانستان کې د طالبانو تر واکمنۍ لاندې ژوند
د بشري حقونو له پاره مبارزه
له افغان مېرمنو سر پر بې رحمانه سرکوب سربیره هغوی بیا هم د خپل تعلیم، کار او مساوي حقوقو غوښتنه کوي. د ملګرو ملتونو د بشري حقونو دفتر خبر ورکړی دی چې سوله ایز لاریونونه هم د تاوتریخوالي ډک چلن سره مخامخ کیږي. طالبانو مظاهره کوونکي په لښتو او درو وهلي او فیرونه يې پرې کړي دي چې تر اوسه د څلورو کسانو د وژل کیدو او نور ډېرو د ټپيانيدو رپوټونه ورکړل شوي دي.
-
په افغانستان کې د طالبانو تر واکمنۍ لاندې ژوند
د طالبانو پلویان
له بل لوري دغه ښځې وایي چې دوی د طالبانو له نویو مقرراتو څخه راضي دي. دغه ښځې چې د طالبانو امنیتي کسانو بدرګه کولې، د طالبانو له چلن څخه بشپړ رضایت ښکاره کاوه. د دغو لاریون کوونکو په خبره هغه میرمنې چې له هیواده وځي د دوی استازیتوب نه کوي او په دې باور دي چې اسلامي قوانین د هغوی خوندیتوب تامینوي.
-
په افغانستان کې د طالبانو تر واکمنۍ لاندې ژوند
د کابل پوهنتون تالار
د طالبانو ضد لاریونونو برعکس دا ځل د هغوی [طالبانو] په پلوۍ لاریون ته خبریالان هم وربلل شوي ول. ځینې هغه خبریالان چې د طالبانو ضد لاریونونو ته یې خبري پوښښ ورکاوه د طالبانو له خوا له سخت تاوتریخوالي سره مخامخ شوي وو. دا د بدلیدونکي وخت په ځانګړې توګه د ښځو له پاره یو روښانه نښانه ده.
![د طالبانو ضد لاریونونو برعکس دا ځل د هغوی [طالبانو] په پلوۍ لاریون ته خبریالان هم وربلل شوي ول. ځینې هغه خبریالان چې د طالبانو ضد لاریونونو ته یې خبري پوښښ ورکاوه د طالبانو له خوا له سخت تاوتریخوالي سره مخامخ شوي وو. دا د بدلیدونکي وخت په ځانګړې توګه د ښځو له پاره یو روښانه نښانه ده.](https://static.dw.com/image/59166587_303.jpg "د طالبانو ضد لاریونونو برعکس دا ځل د هغوی [طالبانو] په پلوۍ لاریون ته خبریالان هم وربلل شوي ول. ځینې هغه خبریالان چې د طالبانو ضد لاریونونو ته یې خبري پوښښ ورکاوه د طالبانو له خوا له سخت تاوتریخوالي سره مخامخ شوي وو. دا د بدلیدونکي وخت په ځانګړې توګه د ښځو له پاره یو روښانه نښانه ده.")
