متحده عربي امارات: ډرون د تروریستانو د وسلې په توګه یوه ننګونه ده | آلمان او نړۍ | DW | 20.02.2022

د دویچه ویله نوې پاڼه وګورئ

د dw.com بیټا بڼه تر اوسه پورې بشپړه شوې نه ده. ستاسې نظر د دې پاڼي په لا ښه جوړولو کې مرسته کولی شي.

  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

آلمان او نړۍ

متحده عربي امارات: ډرون د تروریستانو د وسلې په توګه یوه ننګونه ده

متحده عربي اماراتو د يکشنبې په ورځ د ډرون بریدونو د ګواښونو له ډيریدو خبر ورکړ، لکه د حوثي یاغیانو له خوا پر دغه هیواد د ډرون بریدونه. دغه انديښنه د بې پيلوټه الوتکو او د دفاعي صنعت په یوه کنفرانس کې یاده شوې ده.

China Airshow

د آرشیف انځور

په دغه کنفرانس کې په دفاعي چارو کې د متحده عربي اماراتو وزیر، محمد بن احمد الباوردي وويل: «موږ باید د ډرون له بریدونو څخه د ملکیانو د خوندیتوب او د اقتصادي بنسټونو د تخریب د مخنیوي په موخه متحد شو.»

په ابو ظبۍ کې د بې پيلوټه سیستم یو نندارتون (UMEX) په لاره اچول شوی چې په کې د سېمې او د امریکا، بریتانیا او فرانسې په ګډون د لويدیځ د پوځ او صنعت استازي ګډون لري.

د فرانسې خبري آژانس په حواله، په دغه نندارتون کې به تر ټولو نوې او د لوړې تکنالوژۍ درلودونکې ډرون یا بې پیلوټه الوتکې نندارې ته کيښودل شي. خو کوربه هیواد ېې په اړه خبرداری ورکړ چې دغه ډول وسلې ارزانه او د نړۍ په سطحه لا ډيرې د لاسرسي وړ دي.

د متحده عربي اماراتو د مصنوعي هوښ د چارو وزیر، عمر العلماء وويل چې ډرون الوتکې نن ورځ د «تروریستي ډلو د سلاح کوټونو یوه برخه ده چې د ملکیانو د ویرولو او یا پر نړیوال سیستم د منفي اغیز په موخه ورڅخه استفاده کوي.»

هغه اندیښه وښوده چې دا «یوه ننګونه ده او موږ ته په کار ده تر څو ډاډمن شو چې موږ کولی شو د دغو سیستمونو د [ناوړه] استفادې ضد یو سپر ایجاد کړو.»

متحده عربي امارات د سعودي عربستان په مشرۍ د پوځي ائتلاف غړی دی، کوم چې له ۲۰۱۵م کال راهیسې د یمن حکومت څخه په ملاتړ د حوثي یاغیانو پر ضد جنګيږي. حوثي یاغیان بیا د ایران ملاتړ لري. که څه هم متحده عربي اماراتو په ۲۰۱۹م کال کې له یمن څخه د خپلو ځواکونو د ايستلو اعلان وکړ، خو ملاتړ يې اوس هم ادامه لري.

حوثي یاغیانو د جنوري میاشتې په ۱۷مه ابوظبۍ باندې د ډرون او توغندیو برید وکړ چې درې تنه د تیلو کارګران په کې ووژل شول او مالي خسارات يې وارد کړل. متحده عربي امارات له هغه وخت راهيسې د تیار سئ په حال دی.

دغه هیواد له هغه وخت راهیسې درې ورته حملې خنثی کړي دي. په دغو حملو کې د یوې هغې مسئولیت يې په عراق کې یوې لږ پيژندلې ډلې ومانه چې ويل يې په عراق کې له ایران پلوه ځواکونو سره اړیکې لري.

(AFP)mks/mns