له «سي واچ» کښتۍ څخه دوه مهاجر وتلي دي | اروپا ته مهاجرت | DW | 28.06.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

اروپا ته مهاجرت

له «سي واچ» کښتۍ څخه دوه مهاجر وتلي دي

په داسي حال کي چې د آلمانۍ ژغورونکي کښتۍ «سي واچ» پر سر شخړه لا هم دوام لري، دوه ځوان پناه غوښتونکي ترې په وتلو توانیدلي. دغه کښتۍ له دوو اوونیو راهیسي د ایټالیا هیڅ یوه بندر ته داخلیدو اجازه نه ترلاسه کوي.

یوه ۱۹ کلن پناه غوښتونکی چي سخت دردونه یې لرل او د هغه کشر ورور د «روغتیايي بیړنۍ اړتیا» له کبله وکړلای سول چي ایټالیا ته ورداخل او له ژغورونکي «سي واچ» کښتۍ څخه ووځي. دغه خبر د سي واچ کښتۍ پرسونل په خپل تویتر کي ورکړی دی. خو بیا هم په کښتۍ کي ۴۰ تنه پاته دي.

د «سي واچ» کښتۍ له دوو اوونیو راهیسي ایټالیا ته د ورداخلیدو انتظار باسي. دغه کښتۍ د ایټالیا د لمپیدوسا جزیرې په اوبو کي ده خو اجازه نه لري چې په کوم بندر کې لنګر واچوي. د کښتۍ کپتانې کارولا راکیټه، وویل: «موږ دې ته انتظار نه سو کولای چي هر یو جلا جلا مریض او له کښتۍ څخه ووځي.»

تیره اوونۍ هغه د ایټالیا د کورنیو چارو د وزیر ماتیو سلواني، پر یوه بندیز سربیره هم د ایټالیا د اوبو قلمرو ته ورداخل سوه او ګواښ یې وکړ چې له اجازې پرته به هم په یوه بندر کې لنګر واچوي. خو که هغه دا کار وکړي نو د ایټالیا د حکومت له خوا یې لوړې جریمې او عدلي تعقیب ګواښي. په همدې حال کي بیا له مهاجرو سره د همدردۍ ښکاره کولو په خاطر د ایټالیا د پارلمان پنځو غړو په دې کښتۍ کي یوه شپه تیره کړې ده.

(qn/ms (dpa,afp