له داعش سره په اړیکو لرلو شکمنې ښخې له جنسي تاوتریخوالي سره مخامخ دي | آلمان او نړۍ | DW | 17.04.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

له داعش سره په اړیکو لرلو شکمنې ښخې له جنسي تاوتریخوالي سره مخامخ دي

د بخښنې نړیوال سازمان ویلي دي چې عراقۍ بې ځایه شوي ښځې چې له داعش سره په اړيکو تورني دي، اوس د پیسو او مرستو په مقابل کې جنسې اړیکو ته مجبوریږي. د هغوی په مجبوره کولو کې امنیتي ځواکونه هم شامل دي.

د بخښنې نړیوال سازمان د سه شنبې په ورځ وویل چې د عراق په کمپونو کې هغه ښځې او ماشومان چې له داعش (اسلامي دولت) ترهګرې ډلې سره پرې د اړیکه لرلو شک کیږي له جنسي تاوتریخوالي او تبعیض سره مخامخ دي.

په ۲۰۱۴م کال کې تر هغه وروسته چې داعش د عراق ډیري برخې تر خپل کنترول لاندې راوستې تر دوه میلیونه ډیر کسان له خپلو کورونو بې ځایه شول.

امنیستي څه موندلي دي:

  •  ښځې د پیسو، مرستو او له نورو نارینه وو څخه د محافظت په بدل کې جنسې اړیکو ته مجبوریږي.
  • دغه ښځې همدا راز د جنسي تیري له ګواښ سره مخامخې دي. څلور ښځو د بخښنې نړیوال سازمان ته ویلي دي چې یا د جنسي تیري شاهدانې وې او یا یې هم د قربانیانو چیغې اوریدلې دي.
  • هغه کورنۍ چې مشري یې ښځي کوي، زورول کیږي، ناوړه چلن ورسره کیږي او هم له خوړو او روغتیایي خدمتونو محرومیږي

د راتلونکي تاوتریخوالي بنسټ

د بخښنې نړیوال سازمان د منځني ختیځ څانګې مشر لیین مالوف، ویلي دي: «هغو ښځو او ماشومانو ته چې ورباندې له داعش سره د اړیکو ګومان کیږي د هغو جرمونو سزا ورکول کیږي چې دوی نه دي ترسره کړي ... دغه له بې عزتي ډکه جمعې سزا د راتلونکي تاوتریخوالي له پاره د بنسټ ایښودو ګواښ رامنځ ته کوي.»

مالوف ټینګار کړی دی چې د عراق حکومت او نړیواله ټولنه باید د دغه وضعیت د درولو له پاره له ټولو عراقیانو سره بې له تبعیضه مرسته وکړي.

د ناروې د مهاجرو په شورا کې د منځني ختیځ له پاره د رسنیزو اړیکو مشاور کارل شیمبري، په دې اړه وویل: «هغه څه چې پر دوی باندې تیر شوي دي، د هغوی اسیب پذیري، هغوی یووار بیا د استثمار په قربانیانو باندې بدلوي.»

زیاته شوې ده چې که دغه جمعې زورونه دوام پیدا کړي نو کیدای شي چې په منځني ختیځ کې د سوله راتلو بهیر لا ډیر وخت ونیسي.

ms/nz (Reuters, AP, AFP)

اعلان