له جرمني د ډيرو رد سوو مهاجرو د بيرته لېږلو غوښتنه | اروپا ته مهاجرت | DW | 06.03.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

اروپا ته مهاجرت

له جرمني د ډيرو رد سوو مهاجرو د بيرته لېږلو غوښتنه

د جرمني د پراختيايي مرستو د چارو وزير گېرد مویلر غواړي چي د په خپله خوښه ستنېدونکو رد سوو پناه غوښتونکو پروگرام پراخ کړي.

د مسیحي ديموکراټانو دغه سیاستمداره المانۍ ورځپاڼي(اوگسبورگر الگماینین) ته نن سه شنبه ورځ وویل، چي «موږ باید خپلو هیوادونو ته د پناه غوښتونکو بیرته لیږل تقویه کړو، خو بې له ولچکونو څخه.» مویلر اضافه کړه، چي«په جرمني کي په زرونو رد سوي پناه غوښتونکي ژوند کوي او خلگ د دې انتظار لري، چي هغوی باید موږ په جدي ډول سره بیرته هم ولیږو.»

مویلر د پناه غوښتني سیاست د نوي حکومت یو له اصلي وظایفو څخه بولي، چي باید ټوله وزاتونه پکښي برخه واخلي او همکاري وکړي.

د ده په خبره «د کورنیو چارو د وزیر په توگه له هورست زې هوفر سره گډ کار زه ددې له پاره یو ښه اساس بولم، چي د تیښتي او مهاجرت له عواملو سره په سیمه او د هغوی په هیوادونو کي مبارزه وسي. د مثال په ډول د مسلکي زده کړو د امکاناتو برابرولو او یا کار پیداکولو په برخه کي.»

په دې سلسله کي باید له مغرب هیوادونو سره سیاسي او اقتصادي مناسبات پراخ او تقویه سي.

مویلر به د جرمني په نوي حکومت کي هم د پراختيايي مرستو د چارو د وزير په توگه پاته سي.

زموږ د آرشیف څخه انځوریز البوم(15.12.2016)

DW.COM