له آلمانه يوه بله ډله رد شوي افغانان اخراجیږي | آلمان او نړۍ | DW | 13.01.2020
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

آلمان او نړۍ

له آلمانه يوه بله ډله رد شوي افغانان اخراجیږي

په نزدې راتلونکي کې له آلمان څخه افغانستان ته د رد شوو افغانانو یوه بله ډله اخراجیږي. د ۲۰۱۶م کال په دسمبر کې له آلمان څخه د رد شوو افغانانو د اخراج لړۍ پېل شوې ده.

د افغانستان د کډوالو او راستنیدونکو چارو وزارت یوه چارواکي د دوشنبې په ورځ د آلمان خبري آژانس ته ویلي دي چې د رد شوو افغانانو دغه ډله به د چهارشنبې په سهار کابل ته ورسیږي.

د ۲۰۱۶م کال په دسمبر میاشتې کې له آلمان څخه د افغانانو د اخراج د لړۍ له پیلیدو راهیسې تر اوسه په ۳۰ پروازونو کې په ټوله کې ۸۰۰ رد شوي افغانان بیرته خپل هیواد ته اخراج شوي دي. د یاد خبري آژانس د رپوټ له مخې د افغانانو اخراج یوه شخړه ایزه موضوع ده، ځکه چې د طالبانو او داعش پر ضد لا هم جګړه ادامه لري.

په وروستیو کې د افغانستان په جګړه کې د وژل شوو او ټپیانو شمیر یوې لوړې کچې ته رسیدلی دی. په افغانستان کې د ملګرو ملتونو ماموریت د تیر میلادي کال د جولای او سپتمبر میاشتو په منځنۍ موده کې کابو د ۱۲۰۰ کسانو وژل کیدل او تر ۳۱۰۰ زیاتو کسانو ټپي کیدل ثبت کړي وو. له ۲۰۰۹م کال راهیسې د ملګرو ملتونو له خوا په سیستماتیک ډول د تلفاتو د شمیر د ثبتیدو راهیسې دا په یوه ربع کې د ملکي تلفاتو تر ټولو لوړه کچه وه.

د دسمبر میاشتې په وروستیو کې په افغانستان کې د ملګرو ملتونو د ماموریت مشر تدامیچي یاماموتو وویل چې په تیرو لسو کلونو کې په ټوله کې د ملکي کسانو مرګ ژوبله تر ۱۰۰ زرو کسانو زیاته وه.

زموږ له آرشيف څخه:

DW.COM

اعلان