قهریدلو هراتیانو یوې ایرانۍ لارۍ ته اور اچولئ | افغانستان | DW | 09.05.2020
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

افغانستان

قهریدلو هراتیانو یوې ایرانۍ لارۍ ته اور اچولئ

جمهورریس اشرف غني امر کړی، چي په هریرود کي د افغانانو د اوراچولو د پيښي تحقیقات وکړي. په همدې حال کي د ایرانۍ لاریو موټروانان په افغانستان کي په مرګ باندی تهدید سوي دي. یوې ایرانۍ لاري ته په هرات کي اور اچول سوی.

د اشرف غني ویاند صدیق صدیقي ویلي دي، چي د دغه هیواد حکومت د جمهورریس په امر دایران سره په سرحد د هریرود په رود کي د افغانانو د ډوبیدو د پلټني دپاره یو لس نفره هییت تعین کړی دی. ادعا کیږي، چي دغه افغانان څو ورځي دمخه د ایراني پولیسو لخوا هریرود ته وراچول سوي دي. ددغه هییات مشري د افغانستان د ملي اردو د لوی مفتش، محمد حمید طهماسبي پرغاړه ده.

د هرات د ګلران ولسوال عبدالغني نوري پرون جمعه)د مئ اتمه( په هریریود کي د ۱۸ افغانانانو د جسدو د پیدا کیدو څخه خبر ورکړی دی. د هغه په خبره ددغو کسانو جسدونه ښکاره کوي، چي هغوی رود ته تر ولویدو دمخه لت کوب او شکنجه سوي هم دي.

نوري ددغي حادثې جریان داسي بیان کړ:»د هغو کسانو رپوټونه چي د رود څخه ژوندي راوتلي دي او همدارنګه د هغوی پر بدن د اثارو څخه معلومیږي، چي ایراني سرحدی ساتونکو هغوی اول په رسیو باندي تړلي او بیا یې د وسلو په زور هغوی مجبوره کړي ، چي رود ته ځانونه واچوي.«

د افغانستان محلي رسنیو یوه اوونی دمخه) د مۍ میاشتي پراوله( په ایران کي د عیني شاهدانو په حواله د ۵۰ هغو کسانو د بندي کیدو څخه خبر ورکړی ؤ، چي غوښتل یې ایران ته په غیرقانوني ډول سره ولاړ سي. د هغو څخه یوه یې نیویارک ټایمز ته ویلي وه، چي ایراني پولیسو دغه افغانان په سوټو سره مجبوره کړل ، چي د هریرود څخه تیر او افغانستان ته ولاړ سي. د افغانستان خارجه وزارت ددغي پيښي په عکس العمل کي اعلان کړی ؤ، چي موضوع به جدی تعقیب کړي.

پر ایرانۍ لارۍ باندي حمله

په هریرود کي د افغان مهاجرو کارګرانو ډوبیدل د افغانستان سیاستمداران او خلګ په تشویش کي واچول. د ۱۸ نفرو د جسدونو د پیدا کیدو تر خبر وروسته د هرات د کهسان د منطقې په لسهاوو قهریدلو خلګو سړکونه بند او یوې ایرانئ لاری ته یې اور واچاوه. هغوی ددغي حادثې د عاملینو محاکمې او مجازاتو غوښتنه کوله.

Afghanen in Herat protestieren diskriminierende Behandlung von afghanischen Flüchtlingen im Iran. (DW/S. Tanha)

د ۱۷ افغان مهاجرو مړي له سيند څخه موندل شوي دي

د معترضو هراتیانو د جملې څخه یوه کس،چي ورسره دري څانګي مرکه کړې ده ویلي دي، چي»پسله دې به هیڅ ایرانۍ لارۍ د اسلام قلعه څخه د تیریدو اجازه ونلري. که یو څوک ولیدل سو، موټروان به یې په قتل ورسول سي.«

یو بل قهریدلی هراتی، چي پخپله هریرود ته د افغان مهاجر کراګرانو د ورلویدو شاهد ؤ او خپل زوی یې هم په دغه واقعه کي د لاسه ورکړی دی، دویچه ویلي ته وویل،»زما زوی ۱۷ کلن ؤ. موږ بیکاره ؤ او د کار پخاطر ایران ته تللو. نیت مو ؤ، چي د ګلران د ولسوالۍ د کنده سوخته منطقې څخه ایران ته ورواوړو. پر لاري ډیره ګڼه ګونه وه، تراوسه پوري لا ۲۰۰ متره د ایران تر سرحده پوري لا پاته وه، چي» ایراني ظالمو امنیتي قواوو پر موږ باندي فیرونه وکړل او زما زوی یې په قتل ورساوه.«

دده په خبره د ۵۳ تنو څخه فقط ۱۲ تنو وکولای سول د اوبو څخه ژوندي راووزي او نجات پیدا کړي او هم د ۷ تنو جسدونه د اوبو څخه راوباسي. خو نور په هریرود کي ورک او مړه سول.

د هرات والي، سید وحید قتالي ویلي دي، چي یو حکومتي هییات ددغي قضیې د څیړلو په حال کی دی او ډیر ژر به خپل نتایج د جمهوري ریاست سره شریک کړي.

په همدې حال کي ایراني چارواکو »هریرود ته د افغان ماجر کارګرانو د ور اچولو( د خبر د ردیدو ترڅنګ د ایران -افغانستان د حقیقت پیدا کولو د یوه ګډ هیئت سره موافقه کړې ده.

اعلان