فليپين ـ د «منګخوت» د قربانيانو شمیر ۱۵۵ ته لوړ شوی | آلمان او نړۍ | DW | 23.09.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

آلمان او نړۍ

فليپين ـ د «منګخوت» د قربانيانو شمیر ۱۵۵ ته لوړ شوی

په فليپين هیواد کې د «منګخوت» په نوم د توپان د قربانیانو شمیر ۱۵۵ ته لوړ شوی دی. د چارواکو په وینا د تر ۷۰ ډیرو لادرکه شویو کسانو پسې لټون روان دی.

د تیرې اونۍ په پای کې په دغه جنوب ختیځ آسیایې هیواد کې د «منګخوت» په نوم توپان پيل شو. د شدیدو وروښتونو له امله ځمکه ښویدنه او ترافيکي پيښې رامنځته شوي دي.

د فلیپين ولسمشر رودریګو دوترته، د جمعې په ورځ (د ۲۰۱۸ کال د سپتمبر ۲۱مه نېټه) د پلازمېنې مانيلا څخه شاوخوا۵۷۰ کیلومتره سويل لور ته د ناګا، ښار څخه لیدنه وکړه.

د دې سیمې د «تینان» په کلي کې د ځمکې ښویدنې له امله لږ تر لږه ۴۵ کسانو خپل ژوند له لاسه ورکړی وو. ژغورنکې املې له خوا د ۴۳ نورو لادرکه شویو کسانو پسې لټون ادامه لري.