غیرقانوني مهاجرتونه؛ آلمان پولنډ سره پر ګډه پوله د پولیسو شمیر ډیر کړی | آلمان او نړۍ | DW | 24.10.2021

د دویچه ویله نوې پاڼه وګورئ

د dw.com بیټا بڼه تر اوسه پورې بشپړه شوې نه ده. ستاسې نظر د دې پاڼي په لا ښه جوړولو کې مرسته کولی شي.

  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

آلمان او نړۍ

غیرقانوني مهاجرتونه؛ آلمان پولنډ سره پر ګډه پوله د پولیسو شمیر ډیر کړی

د آلمان د کورنيو چارو وزير هورست زيهوفر وايي هغه چمتو دی چې د پولنډ پر سرحد لا ډير ځواکونه ځای پر ځای کړي تر څو له بلاروس څخه د غیرقانوني مهاجرتونو پر وړاندې مبارزې کې مرسته وکړي. ۸۰۰ پولیس لا دمخه هلته رسيدلي دي.

زیهوفر آلمانۍ ورځپاڼې «بیلد ام زونتګ» ته وويل چې لا دمخه د آلمان د فدرالي پولیسو ۸۰۰ افسران په یاد سرحد کې ځای پر ځای شوي او که «ضروري وه» نور به هم ورورسیږي. هغه زیاته کړه چې په سرحد کې د پلټنو له کبله کیدای شي وضعیت راحت نه وي.

په نورماله توګه د اروپا د شينګن سيمې د ۲۶ هیوادونو پر سرحدونو د خلکو د اوښتو راوښتو پر وخت د پاسپورت کتنه یا کنټرول نه کيږي، خو د ګواښ په موجودیت کې کیدای شي په موقتي توګه عملي شي.

هورست زیهوفر دغه څرګندونې داسې وخت کړي چې په وروستيو مياشتو کې له بلاروس څخه د اروپايي اتحاديې غړو هیوادونو ته د تلونکو غیرقانوني مهاجرو شمیر لوړ شوی دی. په دې برخه کې تر ټولو ډیر د پولنډ، ليتوانيا او لاتويا هیوادونو سرحدونه د مهاجرو له ګڼ شمېر څخه متضرره دي. ډیری دغه مهاجر د عراق، سوريې، یمن او ایران څخه دي.

د آلمان خبري آژانس په حواله، هورست زیهوفر د آلمان او پولنډ پر سرحد د لا موثره اقداماتو له پاره، د مشترکو ګزمو يو پروپوزل يو وړانديز وړاندې کړی خو وارسا ورته تر اوسه ژمن پاتی شوی نه دی.

دي.پي.اې/م.ک.ص./م.ن.ص.