«طالبانو دوه بهرنیان آزاد کړل» | افغانستان | DW | 19.11.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

افغانستان

«طالبانو دوه بهرنیان آزاد کړل»

د رپوټونو له مخې طالبانو د افغان امریکایي پوهنتون دوه بهرني استادان چې له هغوی سره په برمته کې وو د افغانستان په سویل کې د سه شنبې په ورځ آزاد کړي دي. خبري آژانسونو دغه خبر د ځايي پولیسو او طالبانو سرچینو له قوله ورکړی.

طالبانو ویلي دي چې کوین کینګ او تیموتي ویکس یې د سه شنبې په ورځ د زابل ولایت په نوبهار ولسوالۍ کې آزاد کړي دي. د دغه ولسوالۍ ډیرې سیمې د طالبانو تر کنترول لاندې دي. دغه بهرني اتباع طالبانو په ۲۰۱۶م کال کې تښتولي وو.

د پولیسو یوې ځایي سرچینې د فرانسې خبري آژانس ته ویلي دي: «نن سهار شا او خوا لس بجې د امریکايي پوهنتون دوه پروفیسران د زابل ولایت په نوبهار ولسوالۍ کې آزاد شول. له زابل څخه هغوی د امریکایي هیلکوپترو په واسطه انتقال شول.»

Afghanistan Enführter Lehrer Timothy Weekes (picture-alliance/AP Photo)

تیموتي ویکس په ۲۰۱۶م کال کې د طالبانو له لوري تښتول شوی وو

تیره اوونۍ افغان ولسمشر محمد اشرف غني اعلان وکړ چې تصمیم یې نیولی دی چې د انس حقاني په شمول د طالبانو درې غړي د امریکایي پوهنتون د استادانو په بدل کې آزاد کړي.

دا خبره لا تر اوسه معلومه نه ده چې دغه بندیان د افغانستان حکومت ته تسلیم شوي، که امریکایي ځواکونو ته او یا هم منځګړو کسانو ته. تر دې لږ څه مخکې د طالبانو سرچینو خبر ورکړی وو چې د انس حقاني په شمول درې کسان قطر ته د بندیانو د تبادلې په موخه انتقال شوي دي.
(sr/qs (afp, Reuters

اړوند مطالب

اعلان