شمالي او سویلي کوریاوو موافقه کړې چې سره خبرې وکړي | سيمه | DW | 05.01.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

سيمه

شمالي او سویلي کوریاوو موافقه کړې چې سره خبرې وکړي

له سیول څخه د بیا یوځای کیدو وزارت د جمعې په ورځ ویلي، شمال او سویلي کوریاوو موافقه کړې چې په راتلونکې اوونۍ کې په لوړه کچه خبرې پیل کړي. د راتلونکې میاشت په اولمپیک لوبو کې د شمالي کوریا احتمالي ګډون د خبرو په سر کې ده.

د سویلي کوریا د بیا یوځاي کیدو وزارت، ویلي دي چې پیانګ یانګ د دواړو کوریاګانو پر پوله په پنمونجوم کلي کې چې په غیر نظامي شوي زون کې پروت دی، د خبرو اترو بلنه منلې ده.

دا په له دوو کلونو څخه په اوږدې مودې کې لومړی ځل وي چې دواړه اړخونه یو له بل سره مستقیمې خبرې اترې کوي.

د شمالي کوریا مشر کیم جون اون، د خپل نوي کال په بیانیه کې ویلی وو چې غواړي په سویلي کوریا کې د کیدونکو ژمنیو المپیک لوبو له پاره یوه ډالۍ واستوي.

د دې په ځواب کې سیول د پنجشنبې ورځې د غوندې وړاندیز وکړ او هیله یې څرګنده کړه چې د شمالي کوریا د اتومی پروګرام شخړې دې د خبرو اترو له لارې حل شي.

دواړو کوریاوو د چهارشنبې په ورځ یو له بل سره تلیفوني مستقیمه اړیکه چې له ۲۰۱۶ کال راهیسې بنده شوې وه، بیرته پرانیسته.

د پنجشنبې په ورخ هم امریکا متحده ایالاتو او سویلي کوریا اعلان وکړه چې خپل پلان شوي ګډ پوځي تمرینات یې د ژمنیو المپیک لوبو تر پای ته رسیدو پورې ځنډولې دي.

په ۲۰۱۷ کال کې د کوریا په ټاپوزمې کې حالت تر هغه وروسته خراب شول چې شمالي کوریا څو وارې د توغندیو او اتومي آزمینې وکړې.

شمالي او سویلي کوریاوو په ۱۹۵۳ کال سره اوربند وکړ خو له هغه وخت راهیسې دواړه هیوادونه د جګړې په حال کې دي. د دې وضعیت د ختمولو په موخه څو وارې خبرې اترې شوې دي هر ځل د یوه لامل له کبله له ناکامي سره مخامخ شوي دي.

ms/nz (dpa, AFP, AP)

زموږ له ارشیف څخه

DW.COM

اعلان