رپوټ: ۱۱ پولیس طالبانو ته اوښتي دي | دويچه ويله پښتو | DW | 06.08.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

رپوټ: ۱۱ پولیس طالبانو ته اوښتي دي

افغان چارواکو ویلي دي چې د افغانستان په جنوب کې ۱۱ تنه افغان سیمه ییز پولیس له طالب یاغیانو سره یو ځای شوي دي. د هلمند د ولایت په یوه خبرپاڼه کې راغلي دي چې دغو سیمه ییزو پولیسو خپله پوسته په نوموړي ولایت کې پریښې ده او طالبانو ته تسلیم شوي دي.

په خبرپاڼه کې زیاته شوې ده چې اته تنه له پخوا د پولیسو په ځواک کې ثبت و او درې تنه نور نوي کسان ول. په خبرپاڼه کې زیاته شوې ده چې ښایي د هغوی قوماندان محمد خان، خپل ملګري تیښتې ته هڅولي وي. هغوی وسلې او موټر سایکلونه هم له ځان سره وړي دي. دا د یوې میاشتې په موده کې دریم ځل دئ چې افغان پولیس طالبانو ته اوړي.

اړوند مطالب