راشد خان په «دې هندريد» تورنمنت کې تر ټولو گران واخیستل شو | افغانستان | DW | 21.10.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

افغانستان

راشد خان په «دې هندريد» تورنمنت کې تر ټولو گران واخیستل شو

راشد خان لومړنی بهرني لوبغاړی وو چې د انگلستان د »دي هندريد« تورنمنت سياليو له پاره تر ټولو گران واخيستل شو. د شنبې ورځې په لومړني ليست کې کريس ګيل او لاسيت ملينګا هم د غوره لوبغاړو په ډله کې ول.

د رويترز خبري آژانس په حواله، د شل اوريزو لوبو لومړی نمبر توپ اچونکی، افغان لوبغاړی راشد خان د ترينت راکيتس له خوا په تر ټولو لوړه بيه ۱۲۵ زره پونډه واخيستل شو.

دوه استراليايي لوبغاړي ستيف سميت او مچل ستارک هم د ویلش فایر له خوا هر يو په ۱۲۵ زره پونډه واخيستل شول.

له دوی څخه سميت، سکای سپورت ته وويل: «دا به ډير په زړه پوري وي چې د لومړي ځل له پاره په هندريد بال کمپ کې راڅرګند شم.» د هغه هم ټيمی لوبغاړی ديويد وارنر بيا ساوترين بریئف سره يوځای شوی دی.

په «The Hundred» تورنمنت کې له راشد خان څخه علاوه نور افغان لوبغاړي هر يو مجیب الرحمن د (سوپر چارجرس)، محمد نبي د (سپيريت) او قیس احمد د (ولش فایر) ټيمونو اخيستي دي.

د ويست انډيز اوپنر کريس ګيل او د سريلانکا تيز توپ اچونکی ملينګا هم د تر ټولو لوړې بيې ۱۲۵ زره پوند لوبغاړو په توګه په لومړني لیست کې راغلي ول، خو يو يې هم بریالی نه شو چې ټيم پيدا کړي.

«دې هندريد» ټورنمنت لوبې د ۲۰۲۰م کال په جولای مياشت کې په انګلستان او والس کې ترسره کيږي. په دغه تورنمنت کې ۸ ټيمونه لوبې کوي.

اعلان