د کابل پوهنتون ته څيرمه چاودنه کي ۶ کسان وژل سوي | افغانستان | DW | 19.07.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

افغانستان

د کابل پوهنتون ته څيرمه چاودنه کي ۶ کسان وژل سوي

افغان چارواکو ويلي دي چي د کابل پوهنتون دروازې ته څېرمه په زوروره چاودنه کي ۶ کسان وژل سوي او ۲۷ نور ټپيان سوي دي.

د افغانستان د عامي روغتيا وزارت وياند وحيد مايار رويترز خبري آژانس ته ويلي دي چي د جمعې په ورځ سهار تر چاودني وروسته روغتون ته رسول سوو ۲۷ ټپيانو کي زده کوونکي دي.

چاودنه هغه مهال سوې ده چې په کابل پوهنتون کي زده کوونکي د يوې ازمويني له پاره راټول سوي ول.

د کابل د پوليسو وياند ويلي دي چي د چاودني ځای ته څيرمه پوليسو يو بل بم شنډ کړی دی.

د کابل پوهنتون دروازې ته څېرمه د چاودني مسئوليت تر اوسه پوري چا پر غاړه نه دی اخيستی او دا هم معلومه نه ده چي چاودنه، که ځانمرگی برید وو.

د کابل تر پيښي څو ساعته مخکي وسله والو طالبانو د کندهار ولايت پر امنيې قومندانۍ د ځانمرگي او وسله وال بريد مسئوليت پرغاړه اخيتسی وو.

په دغه بريد کي ۱۲ کسان وژلي سوي او تر ۸۰ زيات ټپيان سوي دي.

(N.Z/S.R(Reuters,dpa

اعلان