د کابل د پارلماني ټاکنو پایلې تر اوږده ځنډ وروسته اعلان شوې | افغانستان | DW | 15.05.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

افغانستان

د کابل د پارلماني ټاکنو پایلې تر اوږده ځنډ وروسته اعلان شوې

پارلمان ته د کابل له ټاکل شویو ۳۳ استازو څخه نهه تنه یې ښځي دي. د افغانستان د ټاکنو خپلواک کمیسیون د چهارشنبې په ورځ تر پارلماني ټاکنو اووه میاشتې وروسته د دې ولایت وروستۍ پایلې اعلان کړې.

د تیر کال په اکتوبر میاشت کې په افغانستان کې تر پارلماني ټاکنو وروسته، د کابل پایلې د وروستي ولایت په توګه اعلان شوې. د دغو پایلو اعلان تر دې مخکې څو وارې ځنډیدلی وو او د کابل د رایو یوه برخه یې د ټاکنیزو شکایتونو د څیړنې په پایله کې باطلې اعلان شوي دي.

تر دې اعلان څو ورځې مخکې یو شمیر هغه نوماندانو چې په تر دې مخکې اعلان شویو پایلو کې د ټاکنو د ګټونکو په لیست کې شامل وو خو اوس یې نومونه له دې لیست څخه وتلي دي د پارلمان او ټاکنو کمیسیون د ودانیو مخکې ته مظاهرې کړې دي.

د اپریل پر ۲۸مه نیټه د ټاکنیزو شکایتونو کمیسیون د کابل د رایو د بیا شمیرلو بهیر چې هغه وخت پر مخ روان وو، د درغلو له کبله رد کړ او د ټولو رایو د تازه بیا شمیرنې پریکړه یې وکړه.

تر دې مخکې په مارچ میاشت کې د ټاکنیزو کمیسیونونو پخواني کمیشنران له خپلو دندو ګوښه شوي ول او پر ځای یې نوي کسان ټاکل شوې ول چې په دې کمیسیونونو کې د پراخو درغلو او له ځواک څخه ناوړه ګټه اخیستلو مخه ونیول شي.

دا په داسې حال کې ده چې د تیر کال په دسمبر میاشت کې بیا د ټاکنیزو شکایتونو کمیسیون د کابل د ټولو رایو د ابطال اعلان کړی وو، خو دغه پریکړه بیا د عمل په ډګر کې عملي نه شوه.

(ms/dpa (dpa

اعلان