د ولسمشر غني ویاند بیا په افغان سیاستوالو پسې راخیستې | افغانستان | DW | 24.06.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

افغانستان

د ولسمشر غني ویاند بیا په افغان سیاستوالو پسې راخیستې

شاه حسین مرتضوي پر هغو افغان سیاستوالو باندې نیوکه کړې ده چې په پاکستان کې یې د سولې په غونډه کې کډون کړی وو. مرتضوي ویلي چې دغه سیاستوال دې له غني څخه یو څه زده کړي. مرتضوي ډیر وخت د غني پر مخالفینو باندې نیوکي کوي.

د افغان ولسمشر مرستیال ویاند شاه حسین مرتضوي، په دې شهرت لري چې په ټولنیزو رسنیو کې ډیر فعاله دی او ډیر وخت د ولسمشر پر سیاسي مخالفینو باندې هم سختې نیوکې کوي. هغه په وروستي مورد کې پر هغو سیاستوالو باندې نیوکه وکړه چې په پاکستان کې یې د سولې په یوه غونډه کې ګډون کړی وو.

مرتضوي پر خپلي فیسبوک پاڼې باندې لیکلي دي: «لا تر اوسه پورې چا د خلکو دې پوښتنې ته ځواب نه دی ویلی. ولې یو شمیر سیاستوالو لویه مشورتي جرګه چې پکې د خلکو ۳۲۰۰ ریښتنو استازو ګډون کړی وو، تحریم کړه، خو په پوره شوق مسکو او اسلام آباد ته ځي؟»

د پاکستان په پلازمینې اسلام آباد کې په دې کنفرانس کې د نورو تر څنګ ولسمشرۍ ته نوماند او د ملي امنيت پخواني مشاور حنیف اتمر، د حزب اسلامي مشر ګلبدین حکمتیار او د بلخ پخواني والي عطا محمد نور ګډون کړی وو. په دې غونډه کې د طالبانو او افغان حکومت استازي حاضر نه ول.

مرتضوي په فیسبوک کې په خپاره شوي پیغام کې زیاته کړې: «د خواشینۍ ځای دی چې د یوه په بیانیه کې هم د تیر وخت یو منصفانه روایت موجود نه وو، او نه هم د راتلونکې یو روښانه انځور.»

د ولسمشر مرستیال ویاند بیا په پای کې پر دغو سیاستوالو غږ کړی دی چې د سولې د بهیر په اړه خپل معلومات له ولسمشر غني څخه پوره کړي: «لږ تر لږه که د ویلو له پاره څه نه لري، نو د ولسمشر د سولې د لارې نقشه دې د خپلو معلوماتو له پاره ولولي.»

اعلان