د مېرمنو د نړيوالې ورځې په پلمه د آلماني سياستوال پوتفله نصيحتونه | آلمان او نړۍ | DW | 08.03.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

د مېرمنو د نړيوالې ورځې په پلمه د آلماني سياستوال پوتفله نصيحتونه

د آلمان د مسيحي دموکرات گوند عمومي منشي رونالد پوتفله آلمان مېشتو بهرنيانو ته د ښځو د نړيوالې ورځې په پلمه په خپل خطاب کې دې ته اشاره کوي چې خارجيان دې هڅو وکړي چې ځانونه له آلماني ټولنې سره عيار کړي، تر څو د آلمان د ټولنې برخه وگرځي.

نن د ښځو نړيواله ورځ ده

نن د ښځو نړيواله ورځ ده

دی زياتوي چې د ناموس په سر د ښځو وژنه، په زور ودول او په ځينو افريقايي ټولنو کې مروج د تنسلي آلو پرې کول د بشر د حقوقو څخه سرغړونه ده. دی وايي چې دغسې ورته کړنې د نړۍ په هيڅ دين او مذهب کې ځای نه لري او د ښځو له ابرو، حرمت او د خپل سرنوشت له ټاکلو څخه د دوی مخه نيسي. ټول په آلمان کې مېشت بهرنيان بايد د آلمان اساسي قانون ومني او دا چې د ده گوند غواړي چې د مسلمانو ښځو او نجونو حقونه په آلمان کې خوندي کړي. مسيحي دموکرات گوند د آلمان يو محافظه کاره گوند بلل کېږي او د سوسيال دموکرات گوند تر څنگ د آلمان له لويو سياسي گوندونو څخه دی. دا مهال په آلمان کې د دغو دواړو گوندونو ائيتلاف د دولت چارې پر مخ بيايي. بيا هم په انتخاباتو کې ډېرۍ آلمان مېشت خارجيان چې آلماني تابعيت يې تر لاسه کړی وي ښايي چې سوسيال دموکرات گوند ته رايه ورکوي.

اړوند مطالب