د مځکي پر لور يو بې ساری ټوپ | آلمان او نړۍ | DW | 15.10.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

د مځکي پر لور يو بې ساری ټوپ

اتريشي افراطي ورزشکار فيليکس باوم گارتنر په نړۍ کي د تر ټولو لوړه ځايه د را غورځېدو ريکارد ټينگ کړ. دغه ورزشکار د يوه بالون په مرسته ۳۹ کيلومتره لوړ فضاته پورته سو او له هغه ځايه ئې ځان د مځکې پر خوا را ايله کړ.

د اندازه کولو د رسمي شمېرو له مخي باوم گارتنر، نزدې ۴۰ ثانيې په ساعت کي ۱۳۴۲ کيلومتره سرعت لاره. دغه ورزشکار د لومړي انسان په توگه هغه ريکارد ټينگ کړ چي په ازاده فضا کي بې له پراشوټه روان وو.

د اندازه کولو ماشين ښوولې ده چي دغه افراطي ورزشکار نزدې ۳۷ کيلومتره بې له پراشوټه د مځکي پر لور را روان وو.

ويديو وګورئ 01:12
اوس په ژندۍ بڼه
01:12 دقيقې

په انگريزي ژبه د فيلکس باوم گرتنر ويديو دلته کتلای سئ.

مځکي ته تر راکښته کېدو وروسته باوم گرتنر په يوه خبري غونډه کي وويل، چي ډير خوشاله دئ. هغه زياته کړه تر را غورځېدو لږ دمخه ئې د خپل ژوند او په دې اړه فکر وکړ چي ټوله نړۍ د ده ننداره کوي. هغه زياته کړه، چي مځکي ته تر راکښته کېدو وروسته مي«له اوږو څخه ۲۰ ټنه بار کښته سو»

دغه اتريشي ورزشکار نه يوازي دا چي په نړۍ کي د لومړي انسان په توگه له فضا څخه د مځکي پر لور بې له هرڅه خېز وواهه ريکارد ټينگ کړ، بلکي په نړۍ کي لومړی انسان هم دئ چي د يوه بالون په مرسته د فضا دغه لوړي کچي ته ختلی دئ.

دغه افراطي ورزشکار پنځه کاله د دغه خطرناکه پروژې له پاره تياری نيوی، او د ترسره کيدو په نېټه کي ئې تل بدلون راتلی. وروستی وار د تيري سه شنبې په ورځ د تند باد له کبله دغه افراطي راغورځېدل و ځنډېدل.

د يکشنبې په ورځ هم مخکي له دې چي باوم گرتنر، د فضا پر لور والوزي د باد په خاطر دغه راغورځېدل څلور ساعته وځنډيده.

د فضا دغه کچي ته يعني ۳۹۰۰۰ فوټه لوړوالي ته په بالون کي پورته کېدو دوه نيم ساعته وخت ونياوه.

دويچه ويله/ نجيب الله زيارمل
کتونکی: عبدالباري حکيم

د موضوع په اړه ویدیوگانې او غږونه