د فولکس واګن پخوانی مشر د ورځي ۲۷۰۰ یورو تقاعد اخلي | آلمان او نړۍ | DW | 29.06.2020
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

آلمان او نړۍ

د فولکس واګن پخوانی مشر د ورځي ۲۷۰۰ یورو تقاعد اخلي

د اقتصاد د يوې آلمانۍ مجلې په حواله د فولکس واګن پخوانی رییس، ماتیاس میولر د میاشتي تر ۸۰۰۰۰ اضافه تقاعد اخلي، چي د ورځي تقریبأ ۲۷۰۰ یورو کیږي. دغه محاسبه د هغه د ۲۰۱۶ م کال معاش له مخي سوې ده.

د «بزنیس انزایدر» په نوم د اقتصاد مجلې نن دوشنبه (د جون میاشتي ۲۹ مه) رپوټ ورکړی دی، چي د فولکس واګن د پخواني رییس، ماتیاس میولر د تقاعد دغه محاسبه د هغه د ۲۰۱۶ م کال معاش له رویه تر سره سوې ده. هغه په دغه کال کي ۱،۵۸۶ ملیونه یورو معاش درلود، چي اوس یې۶۲ فیصده د تقاعد په حیث ورته ورکول کیږي. ددغي فیصدۍ پر اساس هغه ته اوس د میاشتي ۸۱۸۰۰ یورو تقاعد ورکول کیږي.

په دې سره بیا هم هغه د همدغه شرکت تر یو بل مهم منیجر، مارتین وینټر کورن لږ تقاعد اخلي، کوم چي د ورځي ۳۱۰۰ یورو ته رسیږي.

 

ماتیاس میولر، چي د شرکت سره یې قرارداد اصلأ په ۲۰۲۰ م کال کي پای ته رسیده، د ۲۰۱۸ م کال کي په اپریل میاشت کي د خپل مقام څخه لیري او باید استعفأ یې ورکړې وای. په دې خاطر ورته د ۱۷،۸ ملیونه یورو یو ډول یوواري جبران خساره هم ورکړل سوه.

زموږ له آرشيف څخه:

 

اعلان