د طالبانو پاکستانی ملاتړی مولانا صوفي محمد ومړ | سيمه | DW | 11.07.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

سيمه

د طالبانو پاکستانی ملاتړی مولانا صوفي محمد ومړ

مولانا صوفي محمد د ۹۴ کالو په عمر ومړ. هغه په ۲۰۰۱م کال کې افغانستان ته د امریکایانو تر راتلو وروسته دې هیواد ته ولاړ چې د بهرنیو ځواکونو پر ضد وجنګیږي.

اسوشیتد پرس خبري آژانس د صوفي محمد د کورنۍ د غړو له قوله لیکلي دي چې هغه د پنجشنبې په ورځ مړ شوی دی او د ورځې په اوږدو کې به خاورو ته وسپارل شي.

دی له افغانستان څخه بیرته راستون شوی وو او په پاکستان کې په ۲۰۰۹م کال کې د ترهګرۍ د بیلا بیلو قضیو له کبله محکوم شوی وو. صوفي محمد تیر کال د خراب روغتیایي وضعیت له کبله له زندان څخه آزاد شو.

صوفي محمد د پاکستاني طالبانو د مشر ملا فضل الله، خسر وو. فضل الله په ۲۰۱۸م کال کې په کونړ ولایت کې د یوې امریکایي بې پیلوټه الوتکې په برید کې وژل شوی وو.

امریکا او افغانستان له اوږدې مودې راهیسې پر پاکستان باندې یاغیانو ته د پټنځایونو د ورکولو تور پورې کوي. خو پاکستان تل دغه تورونه ردوي.

sr/ms (ap)

 

اعلان