د شپږيزې لیګ جام د مس عينک لوبډلې وګاټه | افغانستان | DW | 18.10.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

افغانستان

د شپږيزې لیګ جام د مس عينک لوبډلې وګاټه

په کابل کې د کريکټ د شپږيزې لیګ جام د مس عینک لوبډلې وګاټه. په پايلوبه کې د محمد نبي عيسی خيل په مشرۍ د مس عينک او د راشد خان په مشرۍ د بند امير لوبډلې يو بل پر وړاندې میدان ته راوتلې وې.

Cricket Afghanistan vs. Indien (Imago/Zuma Press/T. Basnayaka)

آرشيف

د شپږيزې ننۍ پايلوبه کې پچه د وزيرزي مس عينک لوبډلې وګټله او لومړی يې مقابل لور ته د توپوهنې بلنه ورکړه.

د افغانستان کريکټ بورد پر خپلې فيسبوک پاڼې لیکلي چې د بند امير ښامارانو لوبډلې په خپلې توپوهنې کې ټول ټال ۱۵۴ منډې جوړې کړې او د مس عينک لوبډلې ته يې د ۱۵۵ منډو هدف وټاکه.

د محمد نبي عيسي خيل په مشرۍ د مس عينک لوبډله وتوانيده چې دغه هدف ته د آخري اور د پنځم توپ په وهلو، ځان ورسوي، د شپږيزې لیګ اتلولي خپله او جام تر لاسه کړي.

که څه هم په ورستيو اورونو کې د راشد خان په مشرۍ د بند امير ښامارانو لوبډلې وتوانيده چې د خپل حريف څو لوبغاړي وسوځوي او لوبه په خپله ګټه راوګرځوي، خو په وروستيو توپونو کې بخت د مس عينک لوبډلې سره يارې وکړه او لوبه يې وګټله.

اعلان