د داعش دوهم مشر وژل شوی دی | آلمان او نړۍ | DW | 25.03.2016
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

د داعش دوهم مشر وژل شوی دی

خبري آژانسونو د جمعې په ورځ د داعش د دویم کس د وژل کیدو خبر خپور کړ. ویل شوي دي چې دغه کس په سوريه کې د امریکا متحدو ایالاتو د هوایي بریدونو په پایله کې وژل شوی دی.

د افراطي ډلي «اسلامي دولت» (داعش) دغه لوی قوماندان عبد الرحمان مصطفی القدولي، نومیدی. د هغه د مرګ خبر امریکايي رسنیو NBC او «دیلي بیست» د داسې چارواکو په حواله چې نوم یې نه دي اخسیتل شوی، ورکړی دی.

تمه کیږي چې د امریکا متحدو ایالاتو د دفاع وزیر اشتون کارتر، دغه خبر په راتلونکي خبري کنفرانس کې افشا کړي.

د Fox News خبري رسنۍ د راپور له مخي القدولي د پنجشنبې په ورځ په سوريه کي د وژل سوی دئ.

تر دې مخکې په ۲۰۱۵م کال کې امریکا متحدو ایالاتو د دغه کس پر سر اووه میلیونه ډالره انعام ایښی وو. تر دې مخکې هم د دغه کس د وژل کیدو خبرونه خپاره شوي ول.

تمه کیږي چې کارتر به په خپل کنفرانس کې د ترهگري ډلي داعش د نورو قوماندانانو د وژل کیدو په اړه هم معلومات ورکړي.