د خوست په یوه جومات کې چاودنې درنه مرګ ژوبله اړولې | افغانستان | DW | 06.05.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

د خوست په یوه جومات کې چاودنې درنه مرګ ژوبله اړولې

چارواکي وايي چې په خوست ولایت کې د یوه جومات په داخل کې چاودنې لږ تر لږه ۱۲ کسان وژلي او ۳۳ تنه نور یې بیا ټپیان کړي. د چارواکو په حواله له دې جومات څخه د رایې د نوم لیکنې د مرکز په توګه کار اخیستل کیدو.

د خوست ولایت د عامې روغتیا ریاست مشر حبیب شاه انصاري هم د چاودنې پخلی کوي. تر اوسه پورې د یادې چاودنې مسوولیت کومې ډلې په غاړه نه دی اخیستی، خو په دې وروستیو کې طالبانو او د اسلامي دولت یا داعش ډلې په افغانستان کې راتلونکې ټاکنې رد کړي او د نوم لیکنې پر مرکزونو یې بریدونه هم کړي.

د تیرې میاشتې په ترڅ کې داعش ډلې په پلازمینه کابل کې د نوم لیکنې پر یوه مرکز برید وکړ چې له امله یې ۶۰ کسان ووژل شول او شاوخوا ۱۳۰ تنه نور یې ټپیان کړل.

اعلان