د تاجيکستان په يوه زندان کي ۳۲ کسان وژل سوي | سيمه | DW | 20.05.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

سيمه

د تاجيکستان په يوه زندان کي ۳۲ کسان وژل سوي

د تاجيکستان په يوه زندان کي د بنديانو د بلوا په ترڅ کي ۳۲ کسان وژل سوي دي. پاڅون د يکشنبې په ماښام د داعش ترهګرې ډلې محکوم سوو غړيو کړی وو.

د تاجيکستان د عدليې وزارت د دوشنبې په ورځ (۲۰۱۹م کال د می ۲۰) ويلي دي چي په دغه پيښه کي د زندان اووه کارکوونکي په چړو وهل سوي دي او پر دې سربيره پاڅون کوونکو پنځه بنديان وژلي او ډير نور یې ټپيان کړي دي.

د آلمان خبري آژانس د راپور له مخي د بنديانو په دغه بلوا کي د زندان روغتياي څانگي ته هم اور اچول سوی دی.

د تاجيکستان د چارواکو د معلوماتو له مخي پر زندان باندي د امنيتي کسانو د يرغل پرمهال د داعش ۲۴ محکوم سوي غړي وژل سوي او ۳۵ نيول سوي دي.

دغه زندان د تاجيکستان مرکز دوشنبې ته نژدې پروت دی. د چارواکو د معلوماتو له مخي «وضعيت د دوشنبې په ورځ بيرته په کنترول کي دی» او حالات عادي سوي دي. هغوی ويلي دي چي د داعش غړيو غوښتل له زندانه وتښتي.

nz/ms (dpa)

اعلان