د بوکو حرام له ویري تېښته | آلمان او نړۍ | DW | 10.01.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

د بوکو حرام له ویري تېښته

د نایجیریا په شمال ختیځ کې د امنیتي ځواکونو او ترهګري ډلي بوکو حرام تر منځ نښتي د مهاجرت د نوې څپې سبب شوي دي. ملګري ملتونه د یوې «بشري غمیزي» خبره کړې ده.

د رپوټونو له مخې د دسمبر له ۲۰مې نیټې راهیسې د نایجیریا د اردو او تندلاري ډلې بوکو حرام تر منځ جګړې له کبله تر۳۰۰۰۰ زیات خلک له خپلو ټاټوبو تښتیدلي دي. د ملګرو ملتونو په وینا دغه خلک د بورنو ایالت په مرکز مایدوګوري کې د پناه په لټه کې دي. په نایجیریا کې د ملګرو ملتونو د بشري مرستو استازي ایدوارد کالون، د مهاجرو یوه کمپ ته ورغلی او تر هغه وروسته يې «د بشري غمیزي» خبره يې کړې ده.

Nigeria Maiduguri Zerstörte Häuser nach Boko Haram Attacke (Getty Images/AFP/A. Marte)

په مایدوګوري کې د بوکو حرام د برید په پایله کې ویجاړه شوې ودانۍ

زیاتره دغه مهاجر د چاد سیند په اوږدو کې د پراته ښار باګا اوسیدونکي دي. د دغه ښار کنترول په مؤقتي ډول د بوکو حرام په کنترول کي دی. جنګیالیو د دسمبر په وروستیو کې په دغه ځای کې دوې پوځي اډې ونیولې. د کالون په وینا ډیر مهاجر د مونګونو ښار ته هم تللي دي. ياد ښار د باګا ښار سویل لویدیځ ته په ۶۵ کیلومترۍ کې پروت دی.

د هغه په خبره دا خبره لا روښانه نه ده چې دغه ښار ته څومره مهاجر ورتښتیدلي دي. نوموړي ویلي دي: «په لسونو زرو کسان بشري مرستو ته اړتیا لري، تر ټولو زیات سرپناه، خوړو، د څښاک پاکو اوبو او د ځان پریمنځلو امکاناتو برابرولو ته اړتیا ده.»

بوکو حرام تندلاري ډلي له ۲۰۰۹م کال راهیسې د نایجیریا په شمال خیتځ او سرحدي بې وزله سیمو کې ترور پیل کړی دی. حکومت په وار وار ادعا کړې ده چې دغې ډلې ته یي ماتې ورکړې ده. خو د حکومت پر دغې ادعا سربیره بوکوم حرام ډلې په وروسیتو میاشتو کې یو ځل بیا پر ملکیانو او پوځي اهدافو باندي خپلو بریدونو ته زور ورکړی دی.

د بوکو حرام د حملو په ترڅ کې په تیرو نهو کلونو کې تر ۲۷ زره زیات انسانان وژل شوي او شا او خوا ۱،۸ میلیونه انسانان خپلو ټاټوبو پریښودو ته اړ شوي دي.

 

اعلان