د بلغاريه پوليسو په يوه يخچالي لارۍ کې ۱۵ مهاجر موندلي | آلمان او نړۍ | DW | 18.02.2020
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

آلمان او نړۍ

د بلغاريه پوليسو په يوه يخچالي لارۍ کې ۱۵ مهاجر موندلي

د بلغاريه پوليسو په يوې پخچال لرونکې لارۍ کې ۱۵ تنه مهاجر چې غوښتل یې له بلغاریه څخه رومانيا او بيا هنگري ته ولاړ شي، نيولي دي. په دوی کې څو تنه افغانان مهاجر هم شامل دي.

پوليسو دغه يخچالي لارۍ د رومانيا پر سرحدي پاټک د دوناو سيند ته څیرمه نيولې ده.  د بلغاريه په پلازمينه صوفيه کې د کورنيو چارو وزير وويل چې د لارۍ دواړه يوناني چلونکي هم نيول شوي دي.

د لومړيو معلوماتو له مخې له نيول شويو مهاجرو څخه یې شپږ تنه د سوریې، پنځه د عراق او څلور د افغانستان دي. دغه يخچالي لارۍ چې د يونان څخه یې حرکت کړی وو غوښتل یې چې د بلغاريه په ويدن سيمه کې د دوناو پله له لارې رومانيا او بيا وروسته د هنگري پر لور خپل سفر ته ادامه ورکړي.  

د بلغاريه پوليسو متوجې شوې ول چې د دې لارۍ يو ديوال له نوي موادو څخه جوړ دی او يوه کړکۍ هم لري. د لارې تر درول کيدو وروسته بيا ۱۵ مهاجر چې په لارۍ کې پټ شوي ول، وموندل شول.

بلغاريه د اروپايي ټولنې تر ټولو بې وزله  هیواد دی او د مهاجرو د بحران په ترڅ کې په ترانزيتي هېوادونو کې شميرل کیږي. اوس یې د مهاجرو مرکزونه کابو خالي دي. د بلغاريه لومړی وزير بويکو بوريسوف تل له ترکیې سره د شريکې پولې د خوندي ساتلو په برخه کې د ښې همکارۍ ستاينه کوي. 

bs/qp (dpa)
زموږ له آرشیف څخه: 

DW.COM

اعلان