د امریکا او ترکیې ولسمشرانو تلیفوني خبري کړي | آلمان او نړۍ | DW | 15.01.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

آلمان او نړۍ

د امریکا او ترکیې ولسمشرانو تلیفوني خبري کړي

د سوریې په شمال کې به له کردي ملیشو سره څه ډول چلن وشي؟ په دې هکله د امریکا او ترکیې نظرونه سره ډیر توپیر لري. ولسمشر دونالد ترمپ او ترکي سیال یې رجب طیب اردوغان په دې هکله سره تلیفوني خبرې اتري کړي.

امریکا متحده ایالات او ترکیه د سوریې په شمال کې د یوه «امنیتي زون» د رامنځ ته کیدو په هکله ارزونې کوي. د ترکیې د ولسمشر رجب طیب اردوغان دفتر خبر ورکړی دی چې د ترکیې او متحده ایالاتو ولسمشرانو په یوه تلیفوني مکالمه کې «له ترهګرۍ څخه آزادې» دغه ډول سیمې په هکله خبري کړي دي.

د سپینې ماڼۍ ویاندې ویلي چې ترمپ دا خبره روښانه کړې ده چې غواړي له ترکیې سره د دغه هیواد د امنیتي اندیښنو په هکله همکاري وکړي. خو د ویاندې په خبره ترمپ پر دې خبره ټینګار کړی دی چې ترکیه باید د کردانو او نورو هغو ډلو پر وړاندې ناوړه چلن و نه کړي چې د داعش پر وړاندې جګړه کې د متحده ایالاتو سره په ګډه جنګیدلي دي. له دې سره د ترمپ اشاره د سوریې په شمال کې کردي ولسي واحدونو (وای پي جي) ته وه.

له کردي ولسي واحدونو سره چلن له کلونو راهیسې د واشنګټن او انقرې تر منځ شخړه ایزه موضوع ده. ترکیه دغه سوریایي ملیشې یو ګواښ ګڼي، چې د منع کړل شوي کردي کارګر ګوند (پي کې کې) سره متحدې دي.

Syrien Manbidsch Kurdische Kämpfer (picture-alliance/AP Photo/H. Malla)

د سوریې په شمال کې د کردي ولسي واحدونو یو جنګیالی (آرشیف انځور)

کردان اندیښنه لري چې د سوریې له شمال څخه به د امریکايي ځواکونو تر وتلو وروسته ترکیه په احتمالي توګه په دې سیمه کې نوي عملیات پیل کړي. ترمپ په دسمبر میاشت کې په ناڅاپي توګه له سوریې څخه د خپلو ځواکونو د وتلو اعلان وکړ. د اردوغان یوه سلاکار فحرتین التون، د دې خبرې ډاډ ورکړی دی چې ترکیه د «کردانو دښمنه نه ده». د هغه په خبره یوازې «ترهګر» په نظر کې دي.

معتدله لهجه

ترمپ له اردوغان سره تر تلیفوني خبرو اترو وروسته د پخوا په پرتله پخلا کیدونکې څرګندونې کړي. هغه د خپل ټویټر په پیغام کې د دواړو هیوادونو تر منځ د اقتصادي ودې د پراختیا له پاره د ستر پوتنسیال یادونه کړې ده.

دا په داسې حال کې ده چې ترمپ د یکشنبې په ورځ د خپل ټویټر په پیغام کې ترکیې ته د اقتصادي ویجاړۍ، ګواښ کړی وو که چیرې د سوریې په شمال کې پر کردانو حمله وکړي.

زموږ له آرشیف څخه: 

DW.COM

اعلان