د آريانا افغان هوايي شرکت ښايي چې سقوط وکړي | افغانستان | DW | 12.01.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

د آريانا افغان هوايي شرکت ښايي چې سقوط وکړي

د آريانا افغان هوايي شرکت اوسمهال يوازې پنځه الوتکې لري او د ورځې يوازې اته پروازونه کوي. دا چې د آريانا هوايي شرکت له ستونزو سره لاس او گرېوان او په نقص کې روان دی، ځکه د افغانستان دولت پتېيلې ده چې نوموړی شرکت دې وپلورل او خصوصي کړای شي،

default

چې دغه ټکی د آريانا په نوې اساسنامه کې هم راغلی دی. د نوموړي شرکت نوی رئيس انجينر عبدالاحد منصوري نومېږي او دی وايي چې دا به يو څه موده ونيسي تر څو چې بنسټيز سمښتونه راوستل شي. نوموړی شرکت ښايي چې يوازې د انگلستان په وړاندې د اوو لکو پاونډو په شاوخوا کې پوروړ وي او الوتکې يې د اروپا په تور لست کې راغلي دي، يعنې له ډېرې مودې راهيسې په اروپا کې د ښکته کېدو او کښېناستلو اجازه نه لري. د آريانا افغان هوايي شرکت له 55 کالونو څخه زياته سابقه لري او دېرش کاله يې له امريکايي شرکت پان امريکن سره همکاري لرله.
اعلان