داعش په کابل کې پر بس د بريد پړه منلې ده | افغانستان | DW | 01.05.2022

د دویچه ویله نوې پاڼه وګورئ

د dw.com بیټا بڼه تر اوسه پورې بشپړه شوې نه ده. ستاسې نظر د دې پاڼي په لا ښه جوړولو کې مرسته کولی شي.

  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

افغانستان

داعش په کابل کې پر بس د بريد پړه منلې ده

د اسلامي دولت يا داعش په نوم ډلې په کابل کې پر يوه کوچني بس باندې د بمي بريد مسئوليت منلی دی. په دغه بريد کې يوه ښځه وژل شوې او درې تنه نور ژوبل شوي ول.

Afghanistan I Bombenexplosion in Kabul

عکس له آرشيف څخه

په افغانستان کې د روژې مياشتې د پیل راهيسې ډېر مرګوني بريدونه شوي دي. د ځينو دغو بريدونو پړه د داعش مليشې منلې ده چې له حاکمو طالبانو سره دښمني لري.

داعش د يکشنبې په ورځ (د ۲۰۲۲ کال د می په لومړۍ نېټه)  په يوه بس باندې د بريد مسئوليت هم منلی دی چې يوه ښځه پکې وژل شوې او درې تنه نور ټپيان شوي ول. دغه خبره په کابل کې د پوليسو مشر، خالد ځدراڼ هم تائيد کړې ده.

عيني شاهدانو ويلي دي چې بم په يوه کوچني بس کې ځای پر ځای شوی و.

۱۹ کلن علي ميثم چې د چاودنې پرمهال له يوې نانوايي سره ولاړ و، وويل چې »ما وليدل چې خلک په وينو لړلو او سوځېدلو مخونو سره له کوچني بس څخه راووتل.«

د هغه په خبره يوه ښځه په پېښه کې وژل شوې هم وه.

بلې خوا د جمعې په ورځ په يوه مسجد باندې د لمانځه پر مهال هم بريد شوی و چې له ۵۰ زيات کسان په کې په حق ورسېدل.

د داعش ډلې د شنبې په ورځ په تلګرام کې اعلان وکړ چې د دغه بريد مسئوليت د دوی دی.

دا په داسې حال کې ده چې افغانستان د يکشنبې په ورځ د کوچني اختر مراسم تر سره کوي. له هغه وخت راهيسې چې طالبانو په افغانستان کې قدرت نيولی دی، بريدونو هم زور اخيستی دی.

آ./ن.ص./ا.ا.

اړوند مطالب