تر خپل ظرفیت ډیر ډک یوناني کمپونو ته لا ډیر مهاجر راروان دي | اروپا ته مهاجرت | DW | 19.12.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

اروپا ته مهاجرت

تر خپل ظرفیت ډیر ډک یوناني کمپونو ته لا ډیر مهاجر راروان دي

د یونان په ټاپو ګانو کې د مهاجرینو په کمپونو کې له وړاندې نه خراب بشري وضعیت د لا ډیر خرابیدو پر لوري روان دی. که څه هم د وضعیت د ښه کیدو امکانات شته، خو په موخه یې اقدامات نه کیږي؛ ولي؟

د اروپايي ټولنې پر هڅو سربیره د یونان ګڼ شمیر ټاپوګانې د داسې کسانو پر مخ لا هم پرانیستي دي چې د اروپايي ټولنې په غړو هیوادونو کې د پناه په لټه کې دي. په حقیقت کې له ترکیې څخه د آژې سمندر په ختیځ کې پرتو دغو ټاپو ګانو د رسیدونکو کسانو شمیر تر هغو چې له دې ټاپوګانو څخه ځي، لوړ دی. له دې سره په دې سیمو کې د میشتو کسانو شمیر ورځ تر بلې لوړیږي چې د چارواکو له پاره لا سخت شرایط رامنځ ته کوي.

د دغو کمپونو د میشتیدو د ظرفیت په هکله د یوې ارزونې پر اساس، د یونان په دغو ټاپو ګانو کې کمپونو تر خپل اصلي ظرفیت ډیر پناه غوښتونکي منلي دي. د لا ډیرو پناه غوښتونکو ځای پر ځای کول او ورته د خدماتو رسول اوس لا ستونزمن شوی.

د دوسیو د اروزنې کارکوونکو سخت کمښت

د پناه غوښتنې په تړاو نړیوال قوانین په جلا توګه د هر پناه غوښتونکي د دوسیې پر ارزونې ټینګار کوي. د پناه غوښتنې په برخه کې د اروپايي ټولنې د ملاتړ د دفتر پر مرستو سربیره، په یونان کې د پناه غوښتونکو د دوسیو پر هر ارزونکو باندې د دوسیو شمیر د ډیریدو په حال کې دی.

 د ۲۰۱۳م کال په پیل کې د دوسیو هر ارزونکی اړ وو چې د پناه غوښتونکو ۲۶ دوسیې وارزوي او په ۲۰۱۷م کال کې دغه شمیر تقریباً درې برابره لوړی شوی او د پناه غوښتونکو د دوسیو ارزونکي اړ دي چې ۸۸ دوسیې وارزوي.

Data visualization EN Greek islands refugee camps ratio asylum-seekers per caseworker

بل لوري ته که څه هم یوناني چارواکو په دې برخه د کارکوونکو شمیر لوړ کړی خو د ارزونکو دغه شمیر په چټکی سره نه دی لوړ شوی چې دغه څه هم ستونزې زیږولي دي. په ۲۰۱۷م کال کې د اروپايي ټولنې د محکمې د یوه تفتیش د رپوټ په حواله په یونان کې د پناه غوښتونکو په چارو کې د رسمي کارکوونکو د شمیر پڅ زیاتوالي د پناه غوښتونکو د دوسیو په ارزونه کې پر وړاندې کیدونکو خدماتو منفي اغیز پریښی دی.

د یونان په ټاپو ګانو کې بند پاتې کیدل

په تیوري کې په یونان کې د پناه غوښتونکو د هرکلي له مرکزونو څخه د وتلو څو متفاوتې لارې موجودې دي. د اروپايي ټولنې او ترکیې ترمنځ د شوي تړون پر اساس، ټول هغه کسان چې د ترکیې له لارې یونان ته داخلیږي او په دې هیواد کې یې د پناه غوښتنې ته د رد ځواب ورکول کیږي، اړ دي چې بیرته ترکیې ته ستانه شي.

د تړون د عملي کیدو له پیل راهیسې د دغه راز پیښو پر ټيټ شمیر سربیره، له یونان څخه د وتونکو کسانو په پرتله د اروپايي ټولنې دغه هیواد ته لا ډیر کسان داخل شوي دي. د ترکیې او اروپايي ټولنې ترمنځ د تړون له عملي کیدو راهیسې ۲ زره ۳۶۷ پناه غوښتونکي چې په اروپايي ټولنه کې یې د پناه غوښتنه رد شوې، بیرته ترکیې ته اخراج شوی دي. بل لوري ته بیا د مهاجرت په چارو کې د ملګرو ملتونو د عالي کمیشنرۍ د شمیرو پر اساس د ۲۰۱۸م کال یوازې په اکتوبر میاشت کې ۳ زره ۳۷۰ تنه پناه غوښتونکي د سمندر له لارې یونان ته رسیدلي.

Data visualization EN Greek islands refugee camps overcrowded

دا په داسې حال کې ده چې ترکیه یوازې هغه شمیر رد شوي پناه غوښتونکي بیرته مني چې د یونان په ټاپو ګانو کې میشت وي. دغه جغرافیايي محدودیت په دې معنی دی چې یونان په ټاپو ګانو کې میشت پناه غوښتونکي، د دې هیواد نورو برخو ته نه شي استولی چې دغه څه هم د یونان په ټاپو ګانو کې د مهاجرینو شمیر د پام وړ زیات کړی دی. خو پر دغه محدودیت سربیره بیا هم ځینې هڅې شوي دي.

د یونان د مهاجرت وزارت دویچه ویله ته وویل چې دغه هیواد د روان کال له جنوري میاشتې څخه تر اکتوبر میاشتې پورې له ګڼ شمیر ټاپو ګانو څخه د ناروغانو، ماشومانو او میرمنو په ګډون شاوخوا ۲۳ زره آسیب پذیره کسان د یونان اصلي خاورې ته انتقال کړي دي.

په عین حال کې د مهاجرت په چارو کې د ملګرو ملتونو سازمان دویچه ویله ته په دې هکله وویل: «د تیرو دریو میاشتو په ترڅ کې د مهاجرت په چارو کې د ملګرو ملتونو عالي کمیشنرۍ د یونان له حکومت سره مرسته کړې څو له ټاپو ګانو څخه د دې هیواد په اصلي خاوره کې ښه وضعیت لرونکو کمپونو ته شاوخوا ۸۰۰۰ پناه غوښتونکي انتقال کړي.»

د ملګرو ملتونو دې سازمان ویلي چې په دغه موده کې د سمندر له لارې شاوخوا ۱۰ زره تازه پناه غوښتونکي د یونان ټاپوګانو ته داخل شوي.

د اروپايي ټولنې نورو هیوادونو ته د مهاجرو د لیږد پڅ بهیر

د یونان پر ټاپو ګانو باندې د فشار د کمیدو له پاره دریم حل لار دا ده چې یو شمیر په شرایطو برابر پناه غوښتونکي او مهاجرین له یونان څخه انتقال شي او د اروپايي ټولنې پر یو شمیر نورو هیوادونو باندې وویشل شي. ټاکل شوې وه چې د تیرو دوو کلونو په ترڅ کې له یونان څخه ۵۰ زره او ۴۰۰ پناه غوښتونکي د دې ټولنې پر نورو هیوادونو باندې وویشل شي، خو د روان کال تر اکتوبر میاشتې پورې یوازې ۲۱ زره ۹۹۹ کسان چې ۴۴ سلنه کیږي، د اروپايي ټولنې نورو هیوادونو ته لیږدول شوي.

په داسې حال کې چې د یونان له کمپونو څخه پناه غوښتونکي نورو سیمو او هیوادونو ته نه انتقالیږي، بله د حل لار دا هم کیدای شي چې د پنا غوښتونکو دغه کمپونه لا پسې پراخ شي. د یونان په لسبوس، ساموس او کاووس ټاپو ګانو کې د پناه غوښتونکو د ځای پر ځای کولو ظرفیت لا له وړاندې، له خپل اصلي حد څخه اوښتی دی. خو له دغو سیمو څخه د سټلایټ پر مټ اخیستل شوي انځورونه ښيي چې د کمپونو شاوخوا ته پرتې سیمې خالي دي او د دې امکانات لري چې کمپونه لا پسې پراخ شي.