«تر اکتوبر میاشتې به ۴۰ سلنه مهاجر په کار مشغول شي» | اروپا ته مهاجرت | DW | 23.07.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

اروپا ته مهاجرت

«تر اکتوبر میاشتې به ۴۰ سلنه مهاجر په کار مشغول شي»

د مهاجرو د چارو یو آلمانی کار پوه وايي چې په ۲۰۱۵م کال کې آلمان ته راغلي مهاجر د دغې ډلې د پخوانیو نسلونو په پرتله د کار په بازار کې ژر ادغامیږي. اټکل کیږي چې تر اکتوبر میاشتې پوري به ۴۰ سلنه مهاجر په کارونو مشغول شي.

د هومبولدت په پوهنتون کې د تجربوي ادغام او مهاجرت په تړاو د څیړنیز انستیتوت مشر هېربېرت بروکر، په برلین کې «ټاګس شپیګل» ته ویلي دي چې تر اکتوبر میاشتې پورې به ۴۰ سلنه مهاجر په کارونو بوخت شي. د هغه په خبره په اپریل میاشت کې دغه دغه اندازه ۳۶ سلنه وه.

د دغه انستیتوت د معلوماتو له مخې ۸۰ سلنه کارکوونکي مهاجر د اجتماعي بیمې په ورکړه مکلف کارونه کوي. بروکر، د مسلکي کاري ځواک د مهاجرت په هکله په نوي تصویب شوي قانون کې د اصلاحاتو غوښتنه وکړه. دغه قانون د ځانګړو شرایطو له مخې آلمان ته د مسلکي کاري ځواک د راتللو امکان برابروي.

د نوموړي کارپوه په خبره اوس هم په دغه قانون کې د مسلکي کسانو په برخه کې لوی خنډونه شته.

د مسلکي کاري ځواک د مهاجرت قانون له مخې مسلکي کاري ځواک اوس یوازې په هغو دندو پوري محدود نه دي چې پکې د کاري ځواک کمی وو. په دې ترتیب هغه کسانو ته چې پوره مسلکي زده کړې یې کړي او ترمخه د کار قرار داد ولري، آلمان ته د راتګ مکانات برابروي.

زموږ له آرشیف څخه: 

DW.COM