بين امللی ټولني په افغانستان کښي تر اوسه پوري يوازي پر نظامي تدابيرو باندي اتکا کړيده . | افغانستان | DW | 28.02.2008
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

بين امللی ټولني په افغانستان کښي تر اوسه پوري يوازي پر نظامي تدابيرو باندي اتکا کړيده .

د يوې مرستندويه ټولني Oxfam د رپوټ پر اساس په افغانستان کښي د خرابي امنيتي وضع اصلي علت تر ټولو دمخه محلي شخړي دي ...

default

په هغه رپوټ کښي چه دغي ټولني نن په برلين کښي نشر ته سپارلی دی ، ويل سوی دي ، چي افغانان د ذخايرو ،اومو موادو او نورو شيانو پر سر دعوه ، د خرابي امنيتي وضع اصلي علت بولي .

Oxfam د خپل دغه رپوټ د جوړولو دپاره په شپږو ولايتو کښي د ۵۰۰ نفرو څخه پوښتني کړيدي .

د جرمني د Oxfam مشر پاول بينيډيک وويل چه بې امنيتي يوازي د طالبانو د مقاومت له کبله نه ده رامنځته سوې ، بلکه د محلي شخړو له امله هم .

ددغو شخړو ۵۰ فيصده دمځکو پر سر ، ۴۳ فيصده پر اوبو او نور يې کورني اختلافات دي .

شخړي ژر ځکه رامنځته کيږي ، چه په ډيرو ځايو کي بې امنيتي ده ، او د خلګو پلاس وسلې هم آسانه ورتلای سي .

Oxfam ددې خاطره په محلي سطح د اختلافاتو د له منځه وړلو غوښتنه کړيده . او وايي چه بين امللی ټولني په افغانستان کښي تر اوسه پوري په لوړه سياسي سطح يوازي پر نظامي تدابيرو باندي اتکا کړيده .