بروکسل غواړي اروپا ته ۵۰۰۰۰ نور مهاجر راولي | اروپا ته مهاجرت | DW | 27.09.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

اروپا ته مهاجرت

بروکسل غواړي اروپا ته ۵۰۰۰۰ نور مهاجر راولي

د اروپايي ټولني کمېسيون دغي ټولني ته له قانوني لارو د مهاجرو د ورتگ د ملاتړ له پاره وړانديزونه کړي. دغه کمېسيون غواړي چي په دې ډول سره اروپا ته د غير قانوني مهاجرت مخه ونيوله سي.

ددې له پاره چي دغیرقانوني مهاجرو راتگ محدود سي، د اروپايي ټولني کمیساري غواړي په راتلونکو دووکلونو کي دلږترلږه ۵۰۰۰۰ نورو مهاجرينو له پاره اروپا د قانوني راتگ امکانات برابرکړي.

د کمیسارۍ ددغه وړانديز پراساس جرمني او نور اروپايي هیوادونه کولای سي، له دغه سیسټم سره په آزادانه ډول یوځای سي. لکه څنگه چي د کمیسارۍ مسؤلو کسانو نن چهارشنبې په بروکسل کي ویلي دي، ددغه راتگ څخه به تر ټولو ډیر د نایجر، سوډان، لیبیا، مصر، چاد او ایتوپیا مهاجر گټه واخلي.

هغه هیوادونه چي دغه اشخاص قبلوي، د هر یوه پرسر به د اروپايي ټولني له بودجې څخه ۱۰۰۰۰ یورو ورکړل سي. د دغي پروژې له پاره مجموعأ ۵۰۰ ميلیونه یورو ځانگړي سوي دي.

د اروپايي ټولني کمیساري غواړي په دې وسیلې سره د دریمو هیوادو څخه په مستقیم ډول د مهاجرو د قبولۍ یو نوی میکانیزم جوړ کړي. د اوسني میکانیزم  پراساس اروپايي هيوادونو د ۲۰۱۵م کال له جولای میاشتي راهیسي تقریبأ ۲۳۰۰۰ کسان منلي دي.

زموږ له ارشيف څخه:

DW.COM