بالاخره ترمپ ماسک پرمخ کړ | آلمان او نړۍ | DW | 12.07.2020
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

آلمان او نړۍ

بالاخره ترمپ ماسک پرمخ کړ

دا لومړی ځل دی چې د امریکا ولسمشر له ماسک سره د خلکو په حضور کې راڅرګندیږي. ترمپ د محافظتي ماسک د اغوستلو پریکړه په داسې یو وخت کې کوي چې په متحده ایالاتو کې په دریمه ورځ هم د کرونا پيښې د ریکارډ کچې ته رسیدلي دي.

د یکشنبې په ورځ (د جولای میاشتې ۱۲ نیټه) د تازه خپرو شویو شمیرو له مخې په تیرو ۲۴ ساعتونو کې په امریکا کې ۶۹ زره نوي کسان د کرونا پر ویروس اخته شوي دي.

امریکا له ۳،۳ میلیونه مبتلایانو او ۱۳۷ زره مړو سره په نړیواله کچه د کووید -۱۹ ناروغۍ څخه د اغیزمنو شویو هیوادونو په کتار کې لومړی مقام ترلاسه کړی دی.

ولسمشر ترمپ د ماسک نه اغوستلو له کبله تر فشار لاندې وو، خو سره له دې يې هم له ماسک اغوستلو څخه ډډه کوله.

کله چې ولسمشر دونالد ترمپ پلازمېنې واشنګټن ته نږدې د والټر ریډ پوځي روغتون ته ورسید، نو تیز آبي رنګه ماسک یې اغوستی وو چې صدارتي مهر هم پرې له ورایه معلومیده.

ترمپ هلته د پخوانیو ټپي عسکرو د لیدلو له پاره ورغلی وو. د امریکا ولسمشر هلته له موجودو خبریالانو سره د خبرو له پاره تم نه شو.

مخکې تر دې هغه په سپينې ماڼۍ کې ویلي‌ وو: «زه هیڅ کله هم د ماسک په خلاف نه وم، خو په دې خبرې باور لرم چې هغه خپل ځای او وخت لري.»

په روانه اونۍ کې د یو شمیر ورځپاڼو د رپوټونو په حواله د ترمپ نږدې ملګرو په پرله پسې ډول له هغه څخه غوښتنه کوله چې د خلکو په حضور کې دې له ماسک سره را څرګندیږي او عکسونه اخلي. د دې یو دلیل هم په راتلونکي انتخاباتو کې د هغه د احتمالي سیال جو بایډن د محبوبیت زیاتیدل دي.

امریکا په اوس وخت کې د کرونا ویروس له امله د نړۍ تر ټولو زیات اغیزمن شوی هیواد دی. د جو بایډن د ټاکنیز کمپاین ډله د ماسک نه اغوستلو له کبله په پرله پسې ډول پر ترمپ نیوکه کوي.

اعلان