ايټاليا د يو نوي حکومت په لټه کې | آلمان او نړۍ | DW | 22.02.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

ايټاليا د يو نوي حکومت په لټه کې

د ايټاليې د لومړي وزير رومانو پرودي تر استعفی يوه ورځ وروسته د ايټاليې مشرتابه د کړکېچ د هوارولو لارې چارې پلټوي. ولسمشر جورجيو نپوليتانو د گوندونو له مشرانو او د پارلمان او مشرانو جرگې له مشرو استازو سره راتلونکې تگلاره ټاکي.

د ايټاليې لومړي وزير د افغانستان د ماموريت په سر استعفی ورکړې ده

د ايټاليې لومړي وزير د افغانستان د ماموريت په سر استعفی ورکړې ده

څارونکي په دې اند دي چې پرودي به يو ځل بيا د يو نوي حکومت د جوړولو دنده تر لاسه کړي. يوه بل د حل لاره نوې ټولټاکنې دي.

کړکيچ د افغانستان د ماموريت په سر دی

د پرودي تر نهه مياشتنۍ دورې وروسته د استعفی ورکولو علت په مشرانو جرگه (سنا) د راي اچونې په درشل کې د افغانستان د ماموريت په سر ماتې وه. گڼ شمېر سناتورانو چې د پرودي منځلارې کيڼ اړخه ټلوالې پورې يې اړه درلوده په افغانستان کې د ايټاليې پوځي ماموريت هم رد کړ او همداراز د ايټاليې په شمالي ښارگوټي ويچنسه کې د امريکايانو د يوې اډې پراخول يې هم ونه منل.

اړوند مطالب