امریکايي بې پیلوټه الوتکې په پاکستان کې اوه جنګیالي وژلي | سيمه | DW | 09.02.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

سيمه

امریکايي بې پیلوټه الوتکې په پاکستان کې اوه جنګیالي وژلي

د پاکستان یوه استخباراتي چارواکي ویلي دي چې د امریکا یوې بې پیلوټه الوتکې د دې هیواد په قبایلي سیمه کې د جنګیالیو یو مرکز په نښه کړی او د حقاني شبکې اووه جنګیالي یې وژلي دي.

د پاکستان د استخباراتي ادارې دغه چارواکي د جمعې په ورځ د (۲۰۱۸م کال د فبروري میاشتې په ۹مه نیټه) وویل چې د بې پیلوټه الوتکې برید د پنجشنبې ورځې په پیل کې د شمالي وزیرستان د ګورواک کلی په نښه کړی. په دې سیمه کې د پاکستان د پوځ تر عملیاتو وړاندې، د ځايي او بهرنیو ترهګرو د مرکزونو څخه یو وو.

د استخباراتي ادارې دغه چارواکي چې د نوم د نه بربنډیدو په شرط خبرې کړې دي ځکه له رسنیو سره د معلوماتو شریکولو اجازه نه لري. سرچینې ویلي چې د پنجشنبې د ورځې د برید هدف د حقاني شبکه وه.

د دې برید پخلی په داسې وخت کې کیږي چې د افغانستان د بهرنیو چارو وزارت مرستیال حکمت خلیل کرزی، له پاکستاني چارواکو سره د خبرو په موخه اسلام آباد ته رسیدلی. پاکستان تل د دغه راز بریدونو مخالفت کړی او وايي چې دغه بریدونه د دوی ځمکنۍ بشپړتیا تر پښو لاندې کوي.

حقاني شبکه څوک دي:

DW.COM

اعلان