امريکايان له افغانانو سره پوځي معلومات او پلانونه شریکوي | افغانستان | DW | 22.04.2009
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

امريکايان له افغانانو سره پوځي معلومات او پلانونه شریکوي

د امریکا متحده ایالاتو یوی لوړ پوړی دفاعی چارواکی پرون وویل، چی متحده ایالات غواړی په افغاسنتان کی د خپلو حساسو پوځی عملیاتو په هکله خپل معلومات او پلانونه له افغانستان سره شریک کړی.

د افغانستان په شمال کې يو امريکايي عسکر په نظامي عملياتو کې افغان عسکر ته ژابلې ورکوی

د افغانستان په شمال کې يو امريکايي عسکر په نظامي عملياتو کې افغان عسکر ته ژابلې ورکوی

تر څو د ملکی خلکو د مرګ ژوبلو مخه ونیسی. د دفاعی پالیسیو لپاره د متحده ایالاتو د دفاع وزارت معینی، Michele Flournoy وویل. ، د دی لپاره چی په راتلونکی په افغانستان کی د ولسی وګړو تر مینځ د مرګ ژوبلو مخه ونیوله شی ، د یاغیانو پرضد عملیاتو کی به د متحده ایالاتو تر مشری نړیوال ځواکونه خپل حساس معلومات له افغان پوځیانو سره شریک کړی.

میرمن Flournoy په واشنګتن کی د ستراتیژیکی او نړیوالو مطالعاتو مرکزی کی یوی غوندی ته وویل:

«په دی تیرو اونیو کی مونږ په ځینو اقداماتو لاس پوری کړی دی، مونږ د افغانستان د دفاع وزارت سره یو ځای کار کوو تر څو د افغانستان ټول امینتی ځواکونه له پوځیانو څخه نیولی تر استخباراتی چارواکو پوری زمونږ د عملیاتو په تولو برخو کی ګډون ولری، له پلان جوړونی څخه نیولی تر د هغو پلی کولو پوری.»

هغی یادونه وکړه: د دغو نژدی همکاریو موخه دا هم ده تر څو د افغانانو د له تخصص، معلوماتو او حساسیتونوپه پام کی نیونی سره د عملیاتو لپاره پوځی پلانونه جوړ شی.

Egon Ramms mit Hamid Karzai und Dan McNeill

"د امریکا پوځ اوس لاس په لاس له افغان پوځیانو سره په هر ممکنه اړخ کی ګډ کار کوی."

میرمن Flournoy چی د افغانستان په وړاندی د جمهور رییس اوباما د نوی ستراتیژی په جوړولو کی یی مرسته هم کړی ده، وویل په دی کی د افراطینو پر ضد د ډیرو حساسو مستقیمو عملیاتو په اړه معلومات هم شامل دی.

هغی زیاته کړه. د امریکا پوځ اوس لاس په لاس له افغان پوځیانو سره په هر ممکنه اړخ کی ګډ کار کوی.

خو د دفاع وزارت معیینی د دی پوښتنی په هکله جزییات بربڼډ نه کړل ، که له افغانانو سره د حساسو معلوماتو د شریکولو په نتیجه کی دا معلومات د یاغیانو لاس ته ولویږی ، څه ډول مخ نیوی په پام کی دی.

په افغانستان کی د یاغیانو پر ضد د ناتو او د امریکا متحده ایالاتو تر مشر ی لاندی نړیوالو ځواکونو د عملیاتو سره د ملکی وګړو د مرګ ژوبلی پیښی، د افغان حکومت او د هغه د لویدیځو ملاتړ کونکو تر مینځ تاو تریخوالی زیات کړی دی. جمهور رییس کرزی تیره اونی د متحده ایلاتو تر مشر ی لاندی د ځواکونو قوماندان جنرال داوید میکرنان وغوښت او له هغه څخه یی په کنړ او خوست کی د وروستیو ملکی وګړو د وژلو د پیښو په هکله د څرګندونو او روښانتیا په هکله پوښتنه وکړه.

د متحده ایالاتو د دفاع وزارت معیینی میرمن Flournoy وویل : « زه فکر کوم چی د متحده ایالاتو پوح په دی هکله سخته اندیښنه لری.

باری حکيم
کتونکی: يحيی وردک

اعلان