افغان چارواکی: وسله والو په غور کې شپږ ملکیان وژلي دي | افغانستان | DW | 17.04.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

افغان چارواکی: وسله والو په غور کې شپږ ملکیان وژلي دي

د یوه افغان چارواکي په وینا په غور ولایت کې وسله والو کسانو پر یوه موټر برید کړی دی چې په پایله کې یې شپږ ملکیان وژل شوي دي.

اسوشتید پرس خبري آژانس د غور ولایت د پولیسو ویاند اقبال نظامي، له قوله لیکلي دي چې په دغه برید کې څلور نور کسان ټپیان شوي هم دي. د هغه په خبره د ملکي وګړو پر موټر برید د ولایت مرکز فیروز کوه ته څیرمه شوی دی.

نوموړي خبري آژانس په خپل رپوټ کې لیکلي دي چې د پيښې ټول قربانیان هزاره گان دي. د نظامي په خبره د هغوی موټر له هرات څخه د غور پر لور د سفر پرمهال تر بريد لاندي راغلی.

لا تر اوسه کومې ډلې د برید مسوولیت پر غاړه نه دی اخیستی. خو طالبان او د هغوی سیاله ډله داعش په غور کې فعاله دي او په تیرو وختونو کې یې د ځينو بریدونو مسوولیت منلی دی.

 

اعلان