افغان سولې لپاره د زلمي خلیلزاد په نوې هڅه کې څه دي؟ | افغانستان | DW | 21.07.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

افغانستان

افغان سولې لپاره د زلمي خلیلزاد په نوې هڅه کې څه دي؟

ښاغلي خلیلزاد وايي افغان سولې لپاره د یوې نوې هڅې له پاره چمتوالی نیسي. سره له دې چې د دغه نوي ماموریت جزئیات نه دي په ډاګه شوي خو افغان کارپوهان وايي له دې وروسته د سولې په تړاؤ له هر ګامه باید افغانان خبر وي.

افغان سولې لپاره د امریکا ځانګړي استازي زلمي خلیلزاد په خپل یوه وروستي ټویټ کې ویلي د نوي ماموریت د چمتوالي لپاره یې په واشنګټن کې د جرمني او هند له سفیرانو او د ازبکستان د بهرنیو چارو له وزیر سره کتلي. په دې کتنو کې پر افغان سوله خبرې شوي. زلمي خلیلزاد د دغو خبرو ډیر جزئیات نه دي ورکړي، خو ويلي يې دي چې په سوله کې د لا ډیر پرمختګ لپاره یوه بل ماموریت ته چمتووالی نیسي. سیاسي شنونکی سید خالد سادات وایي چې د زلمي خلیلزاد هلو ځلو ته هیله مندي شته خو له جزئیاتو یې افغانان او په ځانګړي توګه افغان حکومت ناخبره ساتل د سولې په ګټه نه بریښي. د هغه په خبره «د سولې مسئله دې پرمخ ولاړه شي، خو په دقیق او شفاف ډول دې دا کار وشي، يعنې د افغانستان له خلکو سره باید خبرې شریکي شي.»
طالبانو ته نیږدې سرچینې وایې خلیلزاد هڅه کوي چې افغان سولې لپاره سیمه ییزه اجماع رامنځته کړي او ښايي د نوموړي د ماموریت یوه موخه هم دغې اجماع ته کار کول وي. 

د اتم پړاو خبرو ته چمتووالی؟

جلال الدین شینواری چې د طالبانو د واکمنۍ پرمهال لوی څارنوال ؤ، د خپلو معلوماتو له مخې وایې چې د دې سیمه ییزي اجماع له رامنځته کېدو وروسته ښايي ډیر ژر د طالبانو او امریکایانو ترمنځ د اتم پړاؤ خبرې پيل شي. خو په دغه پړاؤ کې به بیا پر کومو موضوعاتو خبرې کیږي؟ ښاغلی شینواری یې په اړه وايي: «مهم موضوعات چې ورباندې به بحث کیږي د مهالویش مسئله ده، د امریکایانو د خروج، افغان حکومت سره د خبرو او د طالبانو له خوا د اوربند سکالو ده چې قدم په قدم به په همدې ډول وړاندې ولاړ شو.»

Bildkombo Donald Trump und Imran Khan

عمران خان هم دا مهال له ولسمشر ترمپ سره پر افغان سولې خبرې کوي


دا څرګندونې داسې مهال کيږي چې د پاکستان لومړی وزیر عمران خان هم واشنګټن ته تللی او هلته به له ولسمشر ترمپ سره د نورو موضوعاتو ترڅنګ پر افغان سولې باندې خبرې اترې وکړي. امریکايي رسنیو د دغه سفر په اړه لیکلي چې ښايي د ترمپ اداره له عمران خانه وغواړي چې پر طالبانو لا ډير فشار راوړي. سیاسي شنونکی وحیدالله غازي خیل وايي، عمران خان په لومړي ځل واشنګټن ته سفر کوي او ښايي د افغان سولې په تړاو نوموړی له دغه فرصته خورا ګټه پورته کړي.
د غازي خېل په خبره «دا سفر د هغوی لپاره ډیر مهم دی. مهم ټکی په دې سفر کې افغان کشاله ده، ځکه اوس هغه مهال دی چې طالبان له امریکا سره په خبرو کې ښکیل دي.»
د پاکستان د بهرنیو چارو وزیر شاه محمود قريشي ويلي چې عمران خان به سبا دوشنبې یعنې د ۲۰۱۹ کال د جولايي پر ۲۲مه له ولسمشر ترمپ سره وګوري. نوموړي زیاته کړې افغان سوله کې پاکستان او امریکا ګډې موخې لري او هېواد یې په سیمه کې د دایمي ټیکاؤ لپاره هم هلې ځلي کوي.

اسماعیل شاکر/ن ص 

اعلان