افغانستان: د زورزیاتي کمولو اوونۍ تر ډیره حده آرامه تیره سوې | افغانستان | DW | 28.02.2020
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

افغانستان

افغانستان: د زورزیاتي کمولو اوونۍ تر ډیره حده آرامه تیره سوې

د طالبانو او امریکا ترمنځ تړون یوه اندازه نورهم رانژدې سوی دی: افغان چارواکو او عامو افغانانو ویلي، چی د «تشدد کمولو» اوونۍ تراوسه پوري آرامه تیره سوې. امریکا د طالبانو سره هغه د تړون د امضأ کیدو یو شرط ایښی وو.

د بلخ ولایتي شورأ ویلي، چي په ناارمه ولایت بلخ کي مثلاً په تیرو شپږو ورځو کي پر امنیتي قواوو باندي یوازي دوې حملې تر سره سوي دي. تر دې دمخه هلته هره ورځ څو حملې تر سره کیدلې.

د شرقي ولایت ننگرهار څخه د ولایتي شورأ یوه وکیل ویلي دي، چي په دغه اوونۍ کي هلته یوه حمله هم نه ده سوې. یوه میاشت دمخه هلته هره اوونۍ د امنیتي قواوو تقریبأ ۲۰ کسان وژل کیدله.

د امريکا متحده ايالاتو او طالبان د ۲۰۱۸ م کال د جولای میاشتي راهیسي د افغانستان د قضیې د یوه سیاسی حل پر سر مذاکرات سره کوي. د افغانستان جنگ د امريکا متحده ايالاتو له پاره تر ټولو اوږد جنگ دی. همدا تازه امریکا د طالبانو سره د تشدد کمولو یوې اوونۍ پرسر موافقه وکړه، کومه چي تیره شنبې ورځ (د فبرورۍ میاشتي ۲۲ مه)  پیل سوه.

د واشنگټن څخه ویل سوي دي، چي که چیري دغه اوونۍ ښه او بې له خشونت څخه تیره او هم طالبان پر خپلو جنگیالیو باندي د کنټرول او سولي اراده ولري، نو سبا د شنبې ورځ (د فبرورۍ میاشتي ۲۹ مه) به د امريکا متحده ايالاتو او طالبانو ترمنځ یو تړون امضأ سي.

تر یونیم کال اضافه معامله سوي تړون پراساس به د افغانستان څخه د امریکايي قواوو وتل شروع سي. د دې په مقابل کي بیا طالبان باید دا تضمین ورکړي، چي افغانستان د ترهگرانو په اطمیناني مرکز باندي تبدیل نه سي او هم د کابل د حکومت سره د سولي خبري اتري پیل کړي.

په همدې حال کي د افغانستان ډیراوسیدونکي په مسجدونو کي د سولي په خاطر دعاوي کوي. هیڅوک په اوس حالت او دغه اوونۍ کي د حکومت او یا امريکا متحده ايالاتو د بمباریو څخه په بیره کي نه دي.