اسرائيل: د ایران بمبارول له امکانه لیري نه بولو | سيمه | DW | 08.12.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

سيمه

اسرائيل: د ایران بمبارول له امکانه لیري نه بولو

اسرائيل د خپل حريف ایران بمباریدل د امکانه لیري نه بولي، تر څو هغه د اټومي وسلو څخه لیري وساتل سي. دغه خبره د اسرائيلو د بهرنیو چارو وزیر کړې او پر اروپايي ټولني یې هم انتقاد وکړ چي د ایران پرضد د بندیزونو ملاتړ نه کوي.

د اسرائيلو خارجه وزیر، اسرائيل کتڅس، د ایټالیا څخه د لیدني پر مهال «کوریره دې لا سېرا» ورځپاڼي ته دغه خبره وکړه او ویې ویل چي «هو، دا یو امکان دی». کتڅس د دې خبرې په جواب کي چي ایا اسرائيل د ایران بمبارۍ ته د یوه امکان په سترگه گوري، وویل: «موږ به ایران ته ددې اجازه ورنه کړو چي اټومي وسلې جوړي او یا یې ولري.» خو په خبره یې د نظامي امکان څخه به هغه وخت استفاده وسي، چي نوري ټولي لاري بندي وي.

په عین حال کي هغه پر اروپايي ټولني باندي د دې جهته انتقاد وکړ چي د ایران پر ضد د امريکا د متحده ايالاتو د جمهوررييس سختي تگلاري سره ملگري نه کوي. د امريکا متحده ايالات تیر کال د ایران سره د پنځو ویټو قدرتونو لکه امريکا، چین، روسیې، بریتانیې، فرانسې او همداراز له جرمني سره معامله سوي اټومي تړون څخه ووتله. دغه قرارداد اصلأ باید د دې څخه مخنیوی وکړي چي ایران اټومي وسلې جوړي کړي.

د مدیترانې د کنفرنس MED په خاطر کتڅس اوس په روم کي دی. د تیري جمعې په ورځ ( د ۲۰۱۹ کال د ډسمبر شپږمه نیټه) هغه په خپله یوه وینا کي د نورو تر څنگ وویل چي اوس د دې وخت رارسیدلی دی چي غربي او عربي هیوادونه یو ائیتلاف سره جوړ کړي، چي ایران تهدید کړي او دا ورڅخه وغواړي چي خپل اټومي پروگرم دي بند کړي.

DW.COM

اعلان