آلمان افغانستان ته په خپلو مرستو ژمن دی | افغانستان | DW | 30.01.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

آلمان افغانستان ته په خپلو مرستو ژمن دی

آلمان افغانستان ته د بيارغاونې دپاره د نورو مرستو ژمنه کړې ده. د آلمان د پرمختيايي چارو وزيرې ويچورک څويل د سه شنبې په روځ دې ته اشاره وکړه چې آلمان حتی د هېواد په ختيځ او جگړه ځپلي جنوب کې هم د پروژو مالي ملاتړ کوي.

د آلمان د پرمختيايي چارو وزيره ويچورک څويل

د آلمان د پرمختيايي چارو وزيره ويچورک څويل

هغې زياته کړه چې »دا کار به په راتلونکي کې هم کوو« وروسته له دې چې د افغانستان د بهرنيو چارو له وزير رنگين سپنتا سره يې ليدلي وو. د آلمان 2800 عسکر د افغانستان په شمال او پلازمېنې کابل کې ځای په ځای دي. ځينې ټلوالي او ملگري هېوادونه د آلمان پر حکومت باندې دا نيوکه کوي چې دوی د افغانستان په جنوب کې په کافي توگه برخه نه اخلي. د افغانستان په اړه يوه نړيواله غونډه اوسمهال په برلين کې له افغانستان سره د مرستو په سر رابلل شوې ده. ويچورک څويل دا يادونه هم وکړه چې آلمان د افغانستان له دولت سره هر کال 80 مليونه يورو مرسته کوي. سپنتا زياته کړه چې د ده هېواد تر اوسه نړيولو مرستو ته اړ او سترگې په لار دی، خو د هېواد عمومي وضع هومره خرابه هم نه ده لکه چې همېشه ويل کېږي.

اړوند مطالب