د سعودي د بندي بلاګر، راییف بدوي ميرمن، انصاف حیدر د یکشنبه په ماښام د دغو لیکوالانو څخه په خپل تویتر کي مننه وکړه. د آلماني لیکوالانو دغه خط، کوم چي د جرمني جمهورییس فرانک والټر شټاین مایر او خارجه وزیر، هایکو ماس ته لیکل سوی دی، د نورو تر څنګ د ادبیاتو په برخه کي د نوبل جایزې ګټونکي، هېرتا مویلر، دوګان اخانلي او باربرا هونیشمن امضأ کړی دی.
په خط کي راغلي، چي د بدوي« صحي حالت ډیر خراب او د تشویش وړ دی.» د لیک امضآ کونکو د نوموړو «سیاستمدارنو څخه غوښتي دي، چي د بدوي د ازادیدو غم وخوري،« تر څو زموږ د هممسلکه ژوند وژغورل سي.» انصاف حیدر بیا ویلي چي اوس ددې وخت رارسیدلی دی، چي د هغې میړه ازاد او په کاناډا کي د خپل فامیل سره یوځای سي. دا هلته د خپلو درو کوچنیانو سره اوسیږي.
انصاف حيدر د خپل خاوند راييف بدوي د آزادولو له پاره هلې ځلې کوي
۳۶ کلن د بشر د حقوقو مدافع، راییف بدوي په ۲۰۱۲ م کال کي «اسلام ته د توهین »په تور په لس کاله بند، ۱۰۰۰ دُرې او ډیرو پیسو په جریمې سره محکوم سوی وو.
بدوي ته ترهغه راوروسته ډیري جایزې ورکول سوې، د نورو تر څنګ د اروپا د پارلمان د نظر د آزادۍ له پاره د سخاروف جایزه.
انصاف حیدر د خپل میړه تر بندي کیدو وروسته په تکرار سره د هغه د خراب صحي حالت څخه رپوټ ورکړی دی.
زموږ له آرشيف څخه:
-
په سعودي عربستان کې د ښځو حقونه: څه وخت څه شوي؟
د ښخو لومړی ښوونځی او د لوړو زده کړو مرکز
د سعودي ښځو تل د ریاض د دغو نجونو په څیر ښوونځي ته د تلو حق نه لاره. په ۱۹۵۵م کال کې په اول وار د لارالحنان په نوم ښوونځی کې د ښخو نوم لیکنه پیل شوه. په ۱۹۷۰م کال کې بیا د «ریاض د زده کړو کالج» د ښخو د لوړو زده کړو لومړۍ مرجع شوه.
-
په سعودي عربستان کې د ښځو حقونه: څه وخت څه شوي؟
د تذکرې اخیستلو اجازه
د ۲۱مې پیړۍ په پیل کې، سعودي ښځي په لومړي ځل وتوانیدې چې خپلې تذکرې ترلاسه کړي. دغه تذکري د ښځو د هویت د تثبیت یوازنۍ لار ده. ښځو ته یوازې د هغوی د محرم په اجازه تذکرې ورکول کیدای شوای. په ۲۰۰۶م کال کې بیا ښځو اجازه ترلاسه کړه چې پخپله او پرته له اجازې تذکرې واخلي.
-
په سعودي عربستان کې د ښځو حقونه: څه وخت څه شوي؟
د جبري ودونو پای
سعودي عربستان په ۲۰۰۵م کال کې پر جبري ودونو بندیز ولګاوه، خو اوس هم په دې هیواد کې د واده تړون د زوم او خسر تر منځ کیږي نه د زوم او ناوې تر منځ.
-
په سعودي عربستان کې د ښځو حقونه: څه وخت څه شوي؟
لومړۍ لوړ پوړې ښځه چارواکې
په ۲۰۰۹م کال کې د سعودي عربستان پاچا په خپل حکومت کې لومړۍ ښځینه لوړ پوړي چارواکې په کار وګومارله. نوره الفیاض د زده کړو په وزارت کې د ښځو د چارو مرستیاله وزیره شوه.
-
په سعودي عربستان کې د ښځو حقونه: څه وخت څه شوي؟
په اولمپیک لوبو کې د سعودي ښځو لومړۍ سیالي
سعودي عربستان په ۲۰۱۲م کال کې په لومړي ځل ښځو ورزشکارانو ته اجازه ورکړه چې د المپیک په لوبو کې سیالي وکړي. د هغوي په ډله کې یوه هم ساره عطار وه چې د لندن په المپیک لوبو کې د ۸۰۰ متره منډو په سیالۍ کې برخه واخیسته.
-
په سعودي عربستان کې د ښځو حقونه: څه وخت څه شوي؟
د بایسکل او وړوکي موټرسایکل چلولو اجازه
سعودي چارواکو په ۲۰۱۳م کال کې ښځو ته اجازه ورکړه چې بایسکل او وړوکې موټرسایکلونه وچلوي. خو هغوی دغه کار یوازي په ځانګړو سیمو او حجاب اغوستلو سره کولای شوای.
-
په سعودي عربستان کې د ښځو حقونه: څه وخت څه شوي؟
د شورا لومړۍ غړې
د ۲۰۱۳م کال په فبروري میاشت کې پاچا عبدالله په اول ورا ۳۰ ښځې د سعودي عربستان د مشورتي شورا غړي وګومارلې.
-
په سعودي عربستان کې د ښځو حقونه: څه وخت څه شوي؟
د رای او کاندیدیدو حق
د سعودي عربستان د ۲۰۱۵م کال د ښاروالیو په ټاکنو کې ښځو په لومړي ځل د کاندیدیدو او رای ورکولو حق ترلاسه کړ. دا په داسې حال کې ده چې نوي زیلاند د لومړي هیواد په توګه په ۱۸۹۳م کال کې ښځو ته د رای ورکولو حق ورکړ. آلمان بیا په ۱۹۱۹م کال کې خپلو ښځینه اتباعو ته د رایې حق ورکړی دی.
-
په سعودي عربستان کې د ښځو حقونه: څه وخت څه شوي؟
د اسهامو د مارکیټ لومړۍ مشره
د ۲۰۱۷م کال په فبروري مياشت کې سعودي عربستان په لومړي ځل ساره السحیمي، د لومړۍ ښځې په توګه د خپل اسهامو د بازار د مشري په توګه وټاکله.
-
په سعودي عربستان کې د ښځو حقونه: څه وخت څه شوي؟
د سپورټ د نندارې اجازه
د ۲۰۱۷م کال په اکتوبر مياشت کې سعودي عربستان ښځو ته د سپورت ستیدیومونو ته د تلو اجازه ورکړه.
-
په سعودي عربستان کې د ښځو حقونه: څه وخت څه شوي؟
د موټر چلولو اجازه
د ۲۰۱۷م کال په سپتمبر میاشت کې د سعودي عربستان حکومت اعلان وکړ چې ښځو ته به د موټر چلولو اجازه ورکړ شي. د ۲۰۱۸م کال له جون میاشتې راهیسې ښځې د موټر چلولو لایسنس اخیستلو له پاره د خپل محرم اجازې ته اړتیا نه لري او همدا راز کولای شي بې محرمه په موټر کې وګرځي.
-
په سعودي عربستان کې د ښځو حقونه: څه وخت څه شوي؟
سعودي ښځو ته د طلاق په صورت کې لنډ تلیفوني پیغام استول کیږي
د یوه نوي قانون له مخي د سعودي عربستان ښځي کولای شي د خپلو ودونو حالت په انترنت کې وګوري او له محکمې څخه د خپل طلاق د سند کاپي ترلاسه کړي. دغه قانون د دې له پاره رامنځ ته شوی چې ښخي بې له دې چې خبري وې، د مړونو له خوا طلاق نه شي. که ښخې طلاقیږي نو هغوی ته په تلیفون کې یو لنډ پیغام استول کیږي.
