په کابل کي سوځول سوې ښځه روحي ناروغه وه
۱۳۹۳ اسفند ۲۹, جمعه
هغه ويډيوگاني چي د پيښي پرمهال اخيستل سوي دي، ښيي چي يوه ښځي د شاه دوشمېشره په زيارت کي دننه د قهرېدولو خلکو له خوا وهيل کيږي او هغه بې هوښه پرته ده. وروسته بيا دغه ښځه د کابل راده ته اچول کيږي او اور ورته ورته کيږي.
د کابل د جنايي پوليسو مشر جنرال فريد افضلي ويلي دي چي دغي ښځي په کابل کي د شاه دوشمشېره مسجد ته نژدې د قرآن کريم يوې نسخې ته اور اچولو وو او دغه عمل ئې د خلکو غوسه را وپاروله.
د دغي ښځي کورنۍ د کابل جنايي کارکوونکو ته ويلي دي چي لور ئې له څو کلونو راهيسي له رواني ناروغۍ رنځ وړی.
په انترنيت کي په خپرو سوو ويډوگانو کي ښوول کيږي چي پوليس د دغي ښځي د وهلو ټکولو او اور اچولو پرمهال مداخله نه کوي، خو افضلي دا خبره نه ده منلې او ويلي ئې دي، چي پوليسو تلاښ کاوه څو د په سوونو راپارېدلو خلکو مخه ونيسي.
د افغانستان د کورنيو چارو وزات وياند صديق صديقي ويلي دي چي د دغي «غمگيني پيښي» په اړه څېړني پيل سوي دي.
د بشري حقونو ټولنو اندېښنه ښوولې ده او دا پوښتنه ئې مطرح کړې ده، چي آيا د دغي مېرمني د قتل په اړه د گډون کوونکو خلکو د نيولو په برخه کي کافي کار سوی دئ.
د اسيا له پاره د بشري حقونو د څار ادارې څېړنکی هيدر بار ويلي دي: «زه ډاډيم چي افغان حکومت به د دغي پيښي د څېړلو او عاملانو د نيولو په برخه کي تلاښ وکړي او کورنۍ څېړني به وکړي، چي آيا د دې پيښي په اړه د پوليسو غبرگون مباسب وو.»
په ۲۰۱۲م کال کي له هغه وروسته چي روښانه سوه په بگرام زندان کي چي د امریکايانو په لاس کي وو د قرآن کريم څو نسخې سوځولي سوي دي، په افغانستان کي پنځه ورځي مظاهرې رواني وې چي نزدې ۳۰ کسان پکښي ووژل سول.